AMAKURU

UKWEZI
CHENO

Urwenya: Soma useke utembagare hamwe na Joriji Baneti

Urwenya: Soma useke utembagare hamwe na Joriji Baneti
17-10-2016 | By Chief Editor | Yasomwe n'abantu 13303 | Ibitekerezo 5

1. Joriji n’umugore bari bafite umwana w’umusore ugeze igihe cyo gushaka, atangira kujya atereta inkumi nyine ashaka uwo bazarwubakana. Rimwe rero uwo yashimye yamujyanye mu rugo abona mama we aramwishimiye cyane ariko papa we amwereka ko atamushaka atanamushyigikiye na gato, yegera papa we Joriji biherereye amubaza impamvu. Joriji ati mwana wanjye uriya mukobwa ni mwiza ariko hari ibanga! Nigeze guca inyuma mama wawe, uriya mukobwa ni uwanjye bivuga ko ari mushiki wawe bityo byaba ari amahano!

Umusore yumvise aribyo, ashaka undi nawe biba nk’ibyambere asanga ni mushiki we, noneho biramurenga abura uko azabigenza ahitamo kubwira mama we uko ikibazo giteye! Ubwo yegereye nyina aramubwira ati: Wari uzi ko mbuze umugore neza neza! Ba bandi bose papa yarambwiye ngo ni abakobwa be kuko yagucaga inyuma! Mama we araseka cyane, ati mwana wanjye mureke! Wowe muri bariya hitamo ukunyuze umurongore bose ntawe muva inda imwe kuko burya uriya si PAPA WAWE! Nanjye namuciye inyuma ndakubyara!

2. Mwarimu yabwiye Joriji kuvuga inyamaswa zo mu gasozi 10, Joriji nawe aratangira ati: Imbwa, impyisi, ingwe... yumva ibindi arabibuze neza neza maze ati harya izo si eshatu maze kukubwira? Mwarimu ati yego rwose harabura zirindwi gusa. Ni uko Joriji aratekereza, arongera aratekereza... yibuka intare arangije asubiramo ati izo nyamaswa ni imbwa, impyisi, ingwe n’intare zirindwi byose hamwe bigahita biba icumi wansabye.

3. Mwarimu yabwiye abanyeshuri gushushanya buri wese ikintu ashatse, hanyuma hashize akanya azenguruka mu banyeshuri bose areba ibyo bashushanyije ageze kuri Joriji asanga urupapuro rwe nta kintu na kimwe kiriho. Ni uko n’umujinya mwinshi amubaza impamvu we adashushanya nk’abandi, Joriji nawe ati: "Rwose njyewe narangije gushushanya, watubwiye gushushanya icyo buri wese ashaka nanjye nahisemo icyo nshaka ndagishushanya".

Mwarimu n’umujinya mwinshi ati: "Nonese washushanyije iki kandi mbona urupapuro nta kintu kiriho?" Joriji aramubwira ati: "Njye nashushanyije Imana, niba utarimo kuyibona ubwo ntiwizera kuko watwigishije mu isomo ry’iyobokamana ko ababasha kuyibona ari abizera bonyine".

WIBYIHERERANA NGO USEKE WENYINE, GASANGIZE N’ABANDI BISEKERE!


Tanga Igitekerezo
Ibitekerezo 5
bigirimana Kuya 4-11-2016

maman nawe ni hatari

suzanne Kuya 24-10-2016

joriji asigaye azi
kureba kure

marie Kuya 19-10-2016

Haaaaa joriji asigaye yarakuze pee

ange Kuya 19-10-2016

Mbega mana

ellen musoni Kuya 18-10-2016

genda joriji we uri uwo gusetsa gusa!!!!!!!!!!!!!!!!!!!!!

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA