Urwenya: Soma wumve uraseka utembagare!

Chief Editor | 27-08-2016
Urwenya: Soma wumve uraseka utembagare!

1. Umugabo wari umuhehesi cyane yagize isabukuru y’amavuko, hagati aho ariko akagira umugore wamukundaga cyane kuburyo yumvaga ntacyo atamukorera kubw’urukundo yamukundaga n’ubwo yamucaga inyuma.

Ni uko umugore apanga kumukorera aga surprise (kumutungura), arabanza ashaka kumuhamagara akamuririmbira kuri telefone, niko gushaka uko yamujijisha maze agura Simcard nshyashya, arangije asiga umugabo muri Salon ngo ajye kumuhamagarira mu gikoni atungurwe.

Ni uko umugore aragenda arahamagara, umugabo rero kuko yagiranaga urukururano n’abakobwa batagira umubare yahehetaga, nyuma yo kumva ijwi ari iry’umukobwa yagizengo ni umwe muri bo maze aramwitaba ahita amubwira ati: "Buretse ndaza kuguhamagara cherie! Rya shyano ry’umugore riri mu gikoni rije rigasanga tuvugana ryankeka amababa". Uri uwo mugore wakora iki?

2. Joriji yari ari kwikinira agapira abona papa we aciye ku kibuga yakiniragaho ari mu modoka, aramukurikira abona yinjiye mu gipangu cyo kwa Tantine Jane! Arabarunguruka abona barasomanye, abona binjiye mu cyumba, abona bakuyemo imyenda,... Joriji ahita yiruka ajya kubibwira nyina!

Mama: Joriji ko wiruka cyane habaye iki?

Joriji: mama mbonye papa yinjira kwa Tantine Jane mbona barasomanye, binjira mu cyumba....

Mama: Eeh Joriji, ba uretse nguhe amata ubundi utuze neza mukanya papa naza tugiye ku meza uhite uterura ubivuge nawe ahari ndebe uko yifata n’icyo ambwira!

BARI KU MEZA:

Mama: Joriji ngaho mbwira neza bya bindi!

Joriji: nyi... Nyine nabonye Papa yinjira kwa Tantine Jane, barahoberana, barasomana, binjira mu cyumba, bakuramo imyenda, barakomeza... Maze banakora nka bya bindi wakundaga gukorana na Tonto Kalisa cya gihe Papa yari akiri mu gisirikare!

3. Umukozi: Mabuja ndashaka ko munyongeza kuko nkora akazi neza namwe murabizi ko hari byinshi nkora kubarusha! Kandi nimutanyumva ubwo birasaba ko mbibwira patron akaba ariwe unyongeza! Mfite impamvu eshatu mpamya ko nzi akazi!

Umugore: Ukora iki se kundusha muko? Ngaho mbwira izo mpamvu se twumve da!

Umukozi: mabuja nkurusha gutera ipasi neza!

Umugore: Ninde se wabikubwiye?

Umukozi: Ni patron umugabo wawe wabinyibwiriye!

Umugore: Ni uko ye!!! Icya kabiri se muko?

Umukozi: Ikindi ni uko nkurusha guteka neza!

Umugore: Ibyo se byo wabibwiwe nande muko?

Umukozi: Nabyo ni umugabo wawe wabinyibwiriye!

Umugore: Naho se icya gatatu ni ikihe nyirashyano?

Umukozi: Ikindi ni uko namenye ko nkurusha no kuryoshya mu buriri!

Umugore: Yebaba weeee!!! Mbega ngo ndashaka nabi wee! nabyo ni umugabo wanjye wabikubwiye??

Umukozi: Oya ahubwo ni umuzamu! yambwiye rwose ko mushimisha kurusha uko umushimisha... Ibyo byose nyine ndabisobanurira patron abe ari we unyongeza…

Umugore: Harya urashaka ko nkongeza angahe ma? Nta kibazo mbwira ayo ushaka rwose ntiwirirwe ubibwira umugabo ndakongeza ayo ushaka yose...

4. Umugabo umwe wikundiraga inzoga, agatabi n’inkumi yaganiriye n’undi musore aramubwira uti uzi n’ikindi? Nasomye mu kinyamakuru ko kunywa itabi bishobora kukwicira ubuzima, bwakeye ndireka burundu.

Hashize icyumweru arongera ati uzi noneho ibyo nasomye mu kinyamakuru? Ejobundi nasomye ko inzoga nazo atari nziza bwakeye nzireka burundu.

Ubwo rero nyuma y’igihe arongera aramwegera ati mbega nimero y’ikinyamakuru mperutse gusoma noneho! Ngo gukora imibonano mpuzabitsina cyane si byiza ku buzima ra?!

Undi kuko yari asanzwe amuziho gukunda inkumi cyane aramubaza ati ubwose n’inkumi ugiye guca ukubiri nazo rero? Undi ati oya da! Ahubwo aho kubireka, gusoma nibyo naretse kuko nibyo nyirabayazana.

5. Umugabo umwe yavuye gusenga ataha aririmba rwose bigaragara ko yafashijwe, akigera mu rugo aba ateruye umugore we amushyira mu birere. Ni uko umugore abonye ukuntu umugabo we amutunguye akamwumvisha umunyenga, aramubazi ati ese ko mbona wafashijwe cyane pasitori uyu munsi yabwirije iki?

Umugabo ati ntibigutungure byo ubu ndi kubahiriza ibyo pastori yatubwirije. Yatubwiye ngo nitugera mu rugo dushyire hejuru ibibazo dufite byatuzengereje, dusabe Imana ibidukize mu izina rya Yesu, ni uko mpita nterura wowe nyine nawe urabyumva…

WISEKA WENYINE, BISANGIZE N’ABANDI NABO BISEKERE!!!!!!!!

KANDA HANO UREBE VIDEOS UTASANGA AHANDI