Yashinze hoteli agamije gucungacunga abakora imibonano mpuzabitsina

Chief Editor | 3-05-2016
Yashinze hoteli agamije gucungacunga abakora imibonano mpuzabitsina

Ahagana mu mwaka w’1960, umugabo witwa Gerald Foos yashinze hoteli ahitwa Colorado, atangiza uyu mushinga atagamije mu by’ukuri inyungu z’amafaranga, ahubwo yishakira amabanga ajyanye n’ibyiyumviro, ibiganiro, imyitwarire n’ibikorwa biranga abantu mu gihe biherereye ari babiri barimo gukora imibonano mpuzabitsina.

Kugirango ibi abashe kubigeraho, yari yarashyize mu nyubako za hoteli ye ibyuma 21 bifata amashusho ariko bihishe kuburyo abakiliya badashobora kubibona, nyuma akaba yaragendaga yandika iby’ingenzi yabonye muri ayo mashusho, ngo abyifashishe mu nyigo ye yifuzaga ko yashyira ahagaragara ibijyanye n’amabanga y’abakora imibonano mpuzabitsina.

Nyuma y’igihe Gerald Foos atarabasha kurangiza inyigo ye no gushyira hanze ibyavuye muri ubwo bushakashatsi, yafashe icyemezo cyo kwegera umunyamakuru Gay Talese maze bamara imyaka 30 yose baragize ibanga iby’ubu bushakashatsi, maze tariki vuba aha 11 Mata 2016, uyu munyamakuru umaze kuba umukambwe kuko afite imyaka 84 y’amavuko, ashyira ahagaragara inyandiko y’amapaji 15 mu kinyamakuru "The New Yorker", asobanura bicye kuri ubu bushakashatsi bwe na Gerald Foos batangiye mu 1980 bakageza muri 2013.

Nyuma y’uko iyi nkuru ishyizwe ahagaragara, inzu zitunganya sinema muri Leta Zunze Ubumwe za Amerika zatangiye kwegera aba bakambwe babiri, ngo bahabwe akayabo k’amafaranga ariko batange amakuru n’amashusho azifashishwa mu gukora filime izerekana iby’amabanga y’abakora imibonano mpuzabitsina, filime byitezwe ko izakurwamo akayabo k’amamiliyari niramuka ikozwe ikarangira.

KANDA HANO UREBE VIDEOS UTASANGA AHANDI