Umugore w’imyaka 26 yibarutse abana 5 b’impanga (Amafoto)

Chief Editor | 11-05-2016
Umugore w’imyaka 26 yibarutse abana 5 b’impanga (Amafoto)

Muri Mutarama uyu mwaka, nibwo Kim na Vaughn Tucci bo mu gace kitwa Perth mu burengerazuba bwa Australia, bibarutse abana batanu b’impanga ariko bakaba batarashatse ko iby’urubyaro rwabo bijya ahagaragara, kugeza aho bashyize hanze amafoto y’aba bana n’amakuru ku rubyaro rwabo, muri uku kwezi kwa Gicurasi 2016.

JPEG - 165.1 kb

Kim Tucci n’umugabo we Vaughn Tucci, basanzwe bafitanye abana babiri n’abakobwa, mu gihe Kim we yari asanzwe afite undi muhungu yabyaranye n’undi mugabo babanje gushakana mbere, bivuga ko ubu bafite abana umunani bose hamwe.

JPEG - 243.2 kb

Aba babyeyi, bagaragaje ko batewe ishema n’ibyishimo no kuba baribarutse abana batanu b’impanga, kandi bose bakaba bafite ubuzima bwiza kugeza n’ubu bafite amezi agera kuri ane. Muri aba bana, harimo umuhungu bamaze guha izina rya Keith, mu gihe abandi bane b’abakobwa babise Ali, Penelope, Tiffany na Beatrix.

JPEG - 96.6 kb

Kim Tucci w’imyaka 26 gusa y’amavuko, n’ubwo akiri umubyeyi muto ntiyorohewe no kurera aba bana bose afite, dore ko uretse umuhungu w’imyaka icyenda yabyaranye n’umugabo we wa mbere, abandi bakobwa babiri nabo ari bato, hakiyongeraho n’aba bana batanu b’impanga bakiri impinja.

Ubwo yaganiraga na shene ya televiziyo yitwa Channel Nice, Kim Tucci yavuze ko biba bitoroshye ariko kandi akaba adafite andi mahitamo, kuko abana ari abe bityo umugabo we akaba ari we wenyine wo kumufasha kubarera, kandi bakaba bakora ibishoboka byose bagafatanya kubitaho.

JPEG - 131.5 kb

Nyuma yo gushyira hanze amafoto bakanavuga inkuru y’urubyaro rudasanzwe Imana yabahaye, Kim na Vaughn Tucci bahise batangira gukorerwa ikusanywa ry’amafaranga, azagurwamo imodoka y’imyanya myinshi izajya ifasha aba babyeyi n’umuryango wabo wose kubona uko bakora ingendo zitandukanye bitabagoye.

JPEG - 156.1 kb

Aha Kim Tucci yari atwite aba bana be batanu b’impanga, hari mu mpera z’umwaka ushize

KANDA HANO UREBE VIDEOS UTASANGA AHANDI