AMAKURU

UKWEZI
CHENO

APR FC yongeye kwihaniza Kiyovu Sports, ikomeza kurusha Rayon Sports amanota

APR FC yongeye kwihaniza Kiyovu Sports, ikomeza kurusha Rayon Sports amanota
18-05-2016 | By Chief Editor | Yasomwe n'abantu 958 | Ibitekerezo

Umukino wa shampiyona wahuje ikipe ya APR FC na Kiyovu Sports kuri uyu wa Gatatu tariki 18 Gicurasi 2016, warangiye ikipe ya APR FC yongeye gushimangira ko nta jambo Kiyovu Sports yagira imbere yayo, intsinzi yayo iyifasha gukomeza kurusha amanota mukeba wayo Rayon Sports.

Wari umukino wa 25 wa shampiyona y’igihugu y’umupira w’amaguru, ukaba warangiye APR FC ibashije gutsinda Kiyovu Sports ibitego 2-0, ibi bikaba byanashimangiye ko Kiyovu itajya ibasha gutsinda APR FC, cyane ko hashinze imyaka isaga 10 itabasha kuyitsinda.

Uyu mukino wari uhanzwe amaso cyane n’abafana ba Rayon Sports ari nayo ihanganiye igikombe na APR FC, ubu APR ikaba yakomeje kuyobora urutonde rwa shampiyona n’amanota 58 mu gihe Rayon Sports ifite amanota 53, bivuga ko iyirusha amanota 5 ariko Rayon Sports ikaba ifite umukino w’ikirarane.

Mu yindi mikino yabaye kuri uyu wa Gatatu, Mukura Victory Sports yabashije gutsinda Amagaju 2-1, naho AS Muhanga itsindwa na Rwamagana 1-0, bivuga ko AS Muhanga isa n’iyamaze kumanuka mu cyiciro cya kabiri.


Tanga Igitekerezo
Ibitekerezo
IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA