AMAKURU

UKWEZI
CHENO

Amavubi y’abatarengeje imyaka 20 yatsinze Misiri ariko amahirwe yo gukomeza arabura

Amavubi y’abatarengeje imyaka 20 yatsinze Misiri ariko amahirwe yo gukomeza arabura
11-06-2016 | By Chief Editor | Yasomwe n'abantu 2437 | Ibitekerezo 1

Ikipe y’igihugu y’umupira w’amaguru y’abatarengeje imyaka 20, mu ijoro ryo kuri uyu wa Gatanu tariki 10 Kamena 2016 nibwo yakinnye umukino wo kwishyura n’ikipe y’igihugu ya Misiri, umukino wabereye i Cairo ukarangira u Rwanda rutsinze ariko ku bw’amahirwe macye rugasezererwa.

Hari mu mikino yo gushaka itike y’igikombe cya Afurika cy’abatarengeje imyaka 20 kizabera muri Zambia mu mwaka wa 2017, ukaba wari umukino wo kwishyura waberaga mu Misiri nyuma y’uko umukino ubanza wari wabereye i Kigali.

Mu mukino ubanza, ikipe y’u Rwanda yari yatsindiwe i Kigali 1-0, kuburyo byari byitezwe ko mu Misiri igomba gutsindirwayo byinshi nyamara yabashije kwihagararaho nayo itsinda Misiri imbere y’abafana bayo, umukino urangira ari 1-0, igiteranyo cy’ibitego gihita kingana, biba ngombwa ko hitabazwa penaliti ngo hamenyekane ikomeza.

Ikipe y’u Rwanda yari yakoze ibishoboka byose, ntiyahiriwe na penaliti kuko yatsinzwe na Misiri penaliti 3 kuri 2, bituma ihita inasezererwa, bivuga ko ubu Misiri yamaze gukomeza aho igomba kuzahura n’izatsinda hagati ya Angola na Gabon.


Tanga Igitekerezo
Ibitekerezo 1
stevo Kuya 11-06-2016

bravo kayiranga wowe nabahungu bawe
mwakoze ibishoboka byose amahirwe aba make.

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA