AMAKURU

UKWEZI

Arsenal na Liverpool byanze naho Man City, Man United na Chelsea ziratsinda

Arsenal na Liverpool byanze naho Man City, Man United na Chelsea ziratsinda
20-08-2016 | By Chief Editor | Yasomwe n'abantu 1448 | Ibitekerezo 2

Imikino ya shampiyona y’igihugu cy’u Bwongereza guhera kuri uyu wa Gatanu yakomeje ku munsi wayo wa 2, ikipe ya Arsenal ikaba yananiwe kubona intsinzi imbere ya Liecester, Liverpool nayo iratsindwa mu gihe abakeba Manchester United, Manchester City na Chelsea zakomeje kwerekana ko zihagaze neza zibasha gutsinda.

Ikipe ya Manchester United niyo yabanje gukina, itsinda Southampton ibitego 2-0 byombi byatsinzwe na Zlatan Ibrahimovic, mu gihe Manchester City yanyagiye Stoke City ibitego 4 kuri 1 iyisanze iwayo, Burnley itsinda Liverpool ibitego 2-0, Chelsea itsinda Watford ibitego 2-1, Arsenal inganya na Liecester City 0-0.

Mu yindi mikino yabaye kuri uyu wa Gatandatu, Tottenham Hotspur yatsinze Crystal Palace 1-0, Hull City itsinda Swansea City 2-0, naho Everton itsinda West Bromwich 2-1.

Amakipe amaze gutsinda imikino yayo yose, ni Manchester United, Manchester City, Hull City na Chelsea, mu gihe amakipe nka Everton na Tottenham zimaze gutsinda umwe zikanganya undi, naho amakipe amaze gutsinda umwe agatsindwa umwe ni Liverpool, Burnley, West Bromwich na Swansea City.

Ikipe ya Arsenal kimwe n’andi nka Liecester, Watford, Stoke City na Southampton zo zabashije kunganya umukino umwe naho undi zirawutsindwa.


Tanga Igitekerezo
Ibitekerezo 2
marcial Kuya 20-11-2016

maniu ndayemera cyane nikomerezaho.

karisa Kuya 23-08-2016

Arsenal ni fake kabisa uduhungu twayo ni duto natwo tutarya.

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA