Bidasubirwaho, Rugangura yasimbuye Rutamu witegura gukorana amateka na Rugimbana

Chief Editor | 7-06-2016
Bidasubirwaho, Rugangura yasimbuye Rutamu witegura gukorana amateka na Rugimbana

Mu gihe guhera tariki 10 Kamena 2016 abanyamakuru Rugimbana Théogène na Rutamu Elie Joe bazatangira gukora kuri Radio One, mugenzi wabo Rugangura Axel yamaze gusimbura Rutamu aho yakoraga.

Mu minsi ishize nibwo Ikinyamakuru Ukwezi.com cyabagejejeho inkuru ivuga ko Rugimbana na Rutamu bavuye ku bitangazamakuru bakoreraga bagahuriza imbaraga kuri Radio One, ibintu bamwe babanje gufata nk’ibihuha ariko bakaza kubona ko ari impamo. Nyuma y’aba babiri, ubu ugezweho ni Rugangura Axel wasimbuye Rutamu.

Rugangura Axel, Rutamu Elie Joe na Rugimbana Théogène, bose bamamariye kuri Radio Flash FM aho bamenyereweho umwihariko mu kogeza imikino y’umupira w’amaguru. Nyuma yo kumenyekanira kuri iyi radiyo, babiri baje kuhava bajya gukorera izindi Radio.

Rutamu yabanje kujya ku Isango Star nyuma aza kujya kuri Radio Rwanda ari naho yari ari kugeza mu minsi micye ishize, mu gihe Rugimbana we yakoreraga Radio 10, ariko bombi ubu bagiye gukorera Radio One, mu gihe igenda rya Rutamu wavuye kuri Radio Rwanda, ryatumye asimburwa na Rugangura Axel bareranywe kuri Flash.

Ubuyobozi bw’ikigo cy’igihugu cy’itangazamakuru RBA, bubinyujije ku mbuga nkoranyambaga bwerekanye ko byarangiye, Rugangura Axel ari we wagiye mu ikipe y’abakora urubuga rw’imikino kuri Radio Rwanda, agasimbura Rutamu.

KANDA HANO UREBE VIDEOS UTASANGA AHANDI