konka coffee
KONKA

AMAKURU

UKWEZI

Bigoranye cyane, Real Madrid yegukanye igikombe cya Champions League

Bigoranye cyane, Real Madrid yegukanye igikombe cya Champions League
28-05-2016 saa 21:41' | By Chief Editor | Yasomwe n'abantu 2142 | Ibitekerezo 2

Mu mukino w’ishiraniro wahuje Real Madrid na Atletico Madrid zahataniraga igikombe cya UEFA Champions League, ikipe ya Real Madrid niyo yabashije kwegukana igikombe bigoranye cyane, nyuma yo guhatana rukabura gica bikaza gukizwa na penaliti.

Ku munota wa 15 w’umukino, Real Madrid yabonye igitego cyayo cyatsinzwe na Kapiteni wayo Sergio Ramos, amakipe yombi akomeza kotsanya igitutu ari nako ahusha ibitego ariko igice cya mbere cy’umukino kirangira ari igitego kimwe cya Real Madrid.

Igice cya kabiri cy’umukino, cyatangiye Atletico Madrid igaragaza ko ishaka igitego, ku munota wa 48 w’umukino ibona penaliti ariko Antoine Griezmann ntiyabasha kuyinjiza. Ku munota wa 79 w’umukino, Yannick Ferreira-Carrasco yishyuriye ikipe ye ya Atletico Madrid, ibintu biba bisubiye irudubi ndetse amakipe yombi arangiza iminota 90 y’umukino anganya 1-1, bihita biba ngombwa hongerwaho iminota 30 ariko nayo irangira nta kipe ibashije kubona igitego biba ngombwa ko hitabazwa penaliti.

Mbere yo gutera penaliti, abakinnyi ba Real Madrid wabonaga byabarenze

Real Madrid yabashije kwinjiza penaliti zayo uko ari eshanu ihita yegukana igikombe, nyuma y’uko Atletico Madrid yari imaze guhusha penaliti yabo. Abakinnyi ba Real Madrid barimo nka Gareth Bale na Cristiano Ronaldo, bateye penaliti zabo bacumbagira kubera imvune bagize ariko bagerageza kubyitwaramo neza.

Abakinnyi ba Real Madrid bavunitse ku bwinshi, bahabwa amakarita menshi y’umuhondo ariko intsinzi yabahojeje amarira

Cristiano wateye penaliti ya nyuma, aha yishimanaga n’umutoza Zinedine Zidane


Tanga Igitekerezo
Ibitekerezo 2
Alexis Nshimiyimana Kuya 29-05-2016

Oya rwose real ibonye igikombe ya gikoreye.Christiano oyeee,Zidani oyeeee! Zidani yarekanye ko ari umuhanga kabsa .Tubarinyuma gusa Atletico yihangane na ahumwaka utaha.

HABIMANA Eugene Kuya 28-05-2016

Uri uwa mbere kbsa!

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA