Byari agahebuzo mu itangizwa ry’imikino Olempite - Amafoto

Bikorimana Alexis | 6-08-2016
Byari agahebuzo mu itangizwa ry’imikino Olempite - Amafoto

Imbyino ziranga umuco wo muri Brazil, ni zo imikino ya mbere ya Olempike ibereye ku mugabane wa Amerika y’Epfo yafunguye ku mugaragaro i Rio.

Byari ibirori by’akataraboneka ubwo abakinnyi biyerekanaga imbere y’imbaga nyamwinshi yari yitabiriye ibirori byo gutangiza iyi mikino ya Olempike, ariko abakinnyi ba Brazil bo byari agahebuzo kuko bakirijwe n’urufaya rw’amashyi n’ibyishimo igihe ibihugu byinjiraga muri sitade.

Brazil yahuye n’ingorane nyinshi mu gihe cy’imyiteguro y’iyi mikino, kandi umunyamakuru wa BBC uri i Rio avuga ko ibirori byari birimo amafaranga macye ugereranyije n’ibindi byabanje mbere.

Umunyamakuru wacu avuga ko byasaga n’aho ibibazo biri muri Brazil byibagiranye, nibura mu gihe cy’umunsi umwe.

Gusa n’ubwo iki gihugu cyakiriye iyi mikino bakanagerageza kwiyibagiza ibibazo, ntitwakirengagiza ko babangamiwe cyane n’icyorezo cya Zika ndetse n’ikibazo gishingiye muri politike ya Brazil cyabonetse igihe perezida w’agateganyo Michel Temer yavugirizwaga induru n’abari muri sitade amaze gutangiza imikino ku mugaragaro.

KANDA HANO UREBE VIDEOS UTASANGA AHANDI