Guhuzagurika kw’Amavubi bitumye amahirwe u Rwanda rwari rufite ayoyoka

Chief Editor | 4-06-2016
Guhuzagurika kw’Amavubi bitumye amahirwe u Rwanda rwari rufite ayoyoka

Umukino w’amajonjora yo guhatanira itike yo kujya mu mikino y’igikombe cy’isi n’icyo ku mugabane wa Afurika, wahuzaga u Rwanda na Mozambique ikipe y’igihugu Amavubi yagaragaje guhuzagurika byatumye itsindwa, amahirwe yo kuhona itike ahita ayoyoka.

Mu minota ya mbere y’umukino, Mozambique niyo yabanje kubona igitego cya mbere, kiza kwishyurwa na Jacques Tuyisenge ariko mbere y’uko amakipe ajya kuruhuka Mozambique itsinda icya kabiri, igice cya mbere kirangira ari ibitego 2-1.

Mu gice cya kabiri cy’umukino, ku munota wa 77 w’umukino Jacques Tuyisenge yongeye kubyitwaramo neza u Rwanda rwishyura igitego cya kabiri, biba bibaye 2-2 ariko mu gihe abafana bari bakishimira igitego, Mozambique ihita ibatsinda icya gatatu, ndetse umukino urangira Mozambique itsinze 3-2, amanota y’uyu mukino yose u Rwanda ruba rurayatakaje.

Muri rusange, bigaragara ko mu bakinnyi b’u Rwanda hari harimo guhuzagurika cyane cyane mu bakina inyuma no hagati, uku gutsindwa bikaba byanatumye amahirwe yo kubona itike yo kujya mu mikino ya nyuma y’igikombe cya Afurika ayoyoka.

REBA HANO AMASHUSHO Y’UMUKINO U RWANDA RWATSINZWEMO NA MOZAMBIQUE:

KANDA HANO UREBE VIDEOS UTASANGA AHANDI