konka coffee
KONKA

AMAKURU

UKWEZI

Ikirangirire mu iteramakofe Muhammad Ali yapfuye

Ikirangirire mu iteramakofe Muhammad Ali yapfuye
4-06-2016 saa 05:07' | By Chief Editor | Yasomwe n'abantu 2586 | Ibitekerezo

Muhammad Ali, icyamamare ku isi mu mukino w’iteramakofe, ku myaka ye 74 y’amavuko yapfuye azize indwara zo mu myanya y’ubuhumekero, akaba yaguye mu bitaro byo muri Leta Zunze Ubumwe za Amerika, mu mujyi wa Phoenix muri Leta ya Arizona, akaba yaragejejwe muri ibi bitaro kuwa Kane w’iki Cyumweru.

Amazina yiswe n’ababyeyi, ni Cassius Marcellus Clay ariko yamamaye ku mazina ya Muhammad Ali, akaba yaratangiye kuba ikirangirire mu mukino w’iteramakofe ubwo yatwaraga umudari wa zahabu mu mikino ya Olempike yo mu 1960.

Nyuma yo gukubita uwitwa Sonny Liston mu 1964, Muhammad Ali yahise aba umuteramakofe wa mbere ku isi, ndetse afite agahigo ko kuba yarabashije kwegukana umwanya wa mbere inshuro nyinshi.

Yahagaritse umukino w’iteramakofe mu 1981 amaze kwegukana intsinzi inshuro 56 mu mikino y’iteramakofe 61 yakinnye, bivuga ko yatsinzwe inshuro 5 gusa muri iyo 61 yitabiriye.

Muhammad Ali kandi yabaye umuteramakofe ndetse n’umukinnyi ukora siporo muri rusange w’ikinyejana cya 20, akaba yarashyikirijwe icyo gihembo na BBC.


Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA