Indege ya Cristiano Ronaldo yakoze impanuka ku kibuga cy’indege cy’i Barcelona

Rukundo Irené | 29-09-2016
Indege ya Cristiano Ronaldo yakoze impanuka ku kibuga cy’indege cy’i Barcelona

Ku mugoroba wo kuwa Mbere, ubwo Cristiano Ronaldo ndetse n’ikipe akinira ya Real Madrid berekezaga mu Budage mu mukino bagombaga gukina n’ikipe ya Borussia Dortmund mu irushanwa ry’amakipe yabaye aya mbere ku mugabane w’u Burayi, nibwo indege y’uyu mukinnyi ifite agaciro ka miliyoni 15 z’amapawundi yakoreye impanuka ku kibuga cya El Part cyo mu mujyi wa Barcelona ariko ku bw’amahirwe nta muntu wahatakarije ubuzima.

Iyi ndege ubwo yageraga ku kibuga nibwo yaje kwangirika mu byuma bituma ibasha guhagarara maze biza gutuma iparika nabi kuburyo bamwe mu barimo imbere bagize uguhungabana ariko nta nkomere zikomeye zigeze zigaragaramo usibye umu pilote wari uyitwaye wakomeretse gato kandi nawe ntabwo yagize ibikomere bikabije.

Iyi ndege yo mu bwoko bwa Gulfsteam G200, Ronaldo yayiguze mu mwaka ushize wa 2015 ari nabwo yagiye ayifotorezaho amafoto atandukanye ari nako yagendaga ayerekana ku rubuga rwa Instagram.

Nk’uko Daily Mail dukesha iyi nkuru ibivuga, ngo umwe mu bahora hafi ya Ronaldo yavuze ko ubusanzwe iyi ndege isanzwe ikodeshwa amakompanyi atandukanye mu bijyanye n’ingendo, ngo no kuri iyi nshuro yakozeho impanuka, akaba yari yakodeshejwe na kompanyi irimo kuyikoresha muri iyi minsi. Kandi yanavuze ko ubwo iyi mpanuka yabaga, Ronaldo atari muri iyi ndege. Yagize ati: "Yaba Cristiano Ronaldo ndetse n’abo mu muryango we nta n’umwe wari muri iyi ndege ubwo yagwaga. Ibi byabaye nta gukomereka gukomeye byateje.”

KANDA HANO UREBE VIDEOS UTASANGA AHANDI