AMAKURU

UKWEZI
CHENO

Lionel Messi yagejejwe imbere y’urukiko, asabirwa gufungwa no kwishyura akayabo

Lionel Messi yagejejwe imbere y’urukiko, asabirwa gufungwa no kwishyura akayabo
31-05-2016 | By Chief Editor | Yasomwe n'abantu 4866 | Ibitekerezo 4

Kuri uyu wa Kabiri tariki 31 Gicurasi 2016, urukiko rukuru mu gihugu cya Esipanye rwatangiye kumva urubanza ruregwamo igihangange mu mupira w’amaguru Lionel Messi, aho ashinjwa ibyaha byo kunyereza amamiliyoni y’imisoro.

Uyu rutahizamu ukomoka mu gihugu cya Argentine akaba anakinira ikipe ya FC Barcelona yo muri Esipanye, ashinjwa kurigisa amamiliyoni menshi y’imisoro, kuva mu mwaka wa 2007 kugeza muri 2009 akaba avugwaho kurigisa amadolari asaga 4.500.000, ni ukuvuga arenga 3.577.500.000 uyabaze mu mafaranga y’u Rwanda.

Messi yareganywe na Se umubyara witwa Jorge ari nawe ushinzwe gucunga no gukurikirana imitungo y’umuhungu we, bakaba banashinjwa kubeshya abakozi bashinzwe gukusanya imisoro ya Leta ubwo babazwaga ngo haboneke amakuru yagombaga gufasha mu iperereza.

N’ubwo Messi n’umubyeyi we Jorge bahakana ibyaha byose baregwa, uruhande rw’ubushinjacyaha rwo rusaba ko uretse gucibwa ihazabu y’amafaranga menshi, bakwiye no gufungwa kugirango babere urugero n’abandi bafite umutima wo kunyereza imisoro. Biteganyijwe ko uru rubanza rugomba kumara iminsi itatu.


Tanga Igitekerezo
Ibitekerezo 4
C2tt suwanyirigira@yahoo.fr Kuya 1-06-2016

Messi imana igufa she ndakwikundira

messi Kuya 1-06-2016

Wowe wiyise Rwabigwi baca umugani ngo" umugabo mbwa aseka imbohe"; gufungwa kwa Messi biragufasha iki?

Ndatumuremyi japhet Kuya 31-05-2016

YOO! BIRAMBABAJE. MESSI NAMWIKUNDIRAGA

Rwabigwi Kuya 31-05-2016

Bagafunge ka Messi

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA