Mario Balotelli utajya yiburira yongeye gutuma benshi bumirwa

Parfait Mutabazi | 3-10-2016
Mario Balotelli utajya yiburira yongeye gutuma benshi bumirwa

Mario Balotelli, umukinnyi w’umupira w’amaguru ukomoka muri Ghana ariko akaba akinira u Butaliyani, nyuma y’igihe atagaragaraho udushya amenyereweho twatumye anabatizwa akazina ka ’Bad Boy’, yongeye gukora ibyo benshi batari biteze, yihesha ikarita y’umuhondo yaje kumugeza no ku ikarita itukura nyuma yo guhesha ikipe ye intsinzi.

Mario Balotelli waciye mumakipe akomeye nka Inter de Milan mu Butaliyani, Manchester City yo mu Bwongereza n’izindi zitandukanye, ni umwe mu bakinnyi bashimisha bvenshi dore ko adakundirwa gusa uko akina, ahubwo benshi banamukundira uburyo ari umukinnyi uhorana udushya, n’ubwo hari ababibona nk’ikinyabupfura gicye.

JPEG - 67 kb

Uyu musore waguzwe n’ikipe ya Liverpool mumwaka wa 2015 kugirango akemure ikibazo cya bar utahizamu iyi kipe yari ifite, byaje kumunanira kugeza aho batangiye kumutiza nabwo biranga. Bari bamushyize mu ikipe ya kabiri ariko kubw’amahirwe ikipe ya Nice iramugura. Kuva yagera muri iyi kipe yo mu Bufaransa, ntasiba gutsinda dore ko mu mikino 5 amaze gugikana, yabashije gutsinda ibitego bitatandatu byose.

Kuri iki Cyumweru ubwo ikipe ya Nice yakinaga na Lorient, Mario Balotelli yatsinze igitego cyahesheje Nice intsinzi ariko ntibyarangiriye aha kuko yahise yihesha ikarita itukura. Ibi yabikoze mu rwego rwo kwishimira iki gitego, maze akuramo umwenda abizi neza ko ari ikosa rihanishwa guhabwa ikarita, maze umusifuzi nawe ntiyatinzamo amuha ikarita y’umuhondo. Ntibyatinze, ku munota wa 90 Mario Balotelli ashwana n’umukinnyi wa Lorient witwa Moreira babwirana amagambo atari meza maze uyu musore w’umunyadutendo bamuha ikarita ya kabiri y’umuhondo, biba bibaye ikarita itukura maze ako kanya ahita asohoka mu kibuga. Uyu mukino warangiye ari ibitego 2 bya Nice kuri 1 cya Lorient.

JPEG - 68.8 kb

REBA VIDEO UKO BYAGENZE HANO:

KANDA HANO UREBE VIDEOS UTASANGA AHANDI