Mu mukino wabonetsemo amarita menshi atukura, Barcelona yegukanye ikindi gikombe

Chief Editor | 23-05-2016
Mu mukino wabonetsemo amarita menshi atukura, Barcelona yegukanye ikindi gikombe

Mu mukino w’ishiraniro wabaye mu ijoro ryo kuri iki Cyumweru tariki 22 Gicurasi 2016, ikipe ya FC Barcelona yabashije kwegukana igikombe cyayo cya kabiri muri uyu mwaka, itsinze ikipe ya Seville iheruka kwegukana igikombe cya Europa League

Umukino wa nyuma w’igikombe cya Copa Del Rey muri Esipanye, wahuje FC Barcelona iheruka kwegukana igikombe cya shampiyona y’uyu mwaka na Seville iheruka kwegukana igikombe cya Europa League yihanije Liverpool yo mu Bwongereza.

Mbere y’uko umukino utangira, buri wese mu bari biteguye kuwureba yiyumvishaga ko uza kuba ari ishiraniro kandi ninako byagenze, kuko uretse kuba Barcelona yatsinze yiyushye akuya, habayemo n’itangwa ry’amakarita menshi.

Iminota 90 isanzwe y’umukino yarangiye nta kipe ibashije kwinjiza indi igitego, biba ngombwa ko hongerwaho iminota 30 y’inyongera maze ku munota wa 97 Jordi Alba abonera Barcelona igitego cya mbere, hanyuma Neymar aza gutsinda icya kabiri ku munota w’120 birangira ari 2-0.

Muri rusange, umukino watanzwemo amakarita y’umuhondo 12 ndetse n’amakarita y’umutuku 3. Abahawe amakarita atukura bagahita bava mu kibuga, ni Javier Mascherano ku ruhande rwa FC Barcelona, hanyuma ku ruhande rwa Seville, Ever Banega na Daniel Carrico nabo bahawe amakarita atukura.

KANDA HANO UREBE VIDEOS UTASANGA AHANDI