konka coffee
KONKA

AMAKURU

UKWEZI

Na we (Uwacu Julienne) ntawamutoye, ntabwo yiyamamaje ngo abe Minisitiri - Umutoza Bekeni

Na we (Uwacu Julienne) ntawamutoye, ntabwo yiyamamaje ngo abe Minisitiri - Umutoza Bekeni
16-06-2016 saa 13:53' | By Chief Editor | Yasomwe n'abantu 9900 | Ibitekerezo 8

Nyuma y’uko abatoza benshi b’abanyarwanda bagaragaje ko batishimiye na gato kuba Minisitiri Uwacu Julienne yaravuze ko hari urwego batarageraho mu gutoza, bamwe muri bo bagaragarije akababaro kabo abanyamakuru kuri uyu wa Gatatu. Umwe muri bo ni Bizimana Abdul Bekeni uvuga ko Madamu Uwacu Julienne akwiye kugirira icyizere abanyarwanda nk’uko nawe yakigiriwe akagirwa Minisitiri.

Bizimana Abdul bakunda kwita Bekeni, ni umutoza w’ikipe y’Amagaju. Uyu avuga ko na Yesu babanje kumusuzugura ngo ni umwana w’umukene w’umubaji ariko ubu buri wese akaba amwubaha. Agaragaza kandi ko mu Rwanda abagore bajyaga bimwa agaciro ariko ubu bakaba barahawe umwanya ngo berekane ko bashoboye.

Yagize ati: "Yesu Kristu aza yigishije abantu, bamwe baravuga bati ni umwana w’umubaji, ni umwana w’umukene ntimwumve ibyo avuga. Ariko nyuma yaho, yabyigishije muri Israel, ariko twebwe hano hari uwitsamura Tse.. Yesu! Ubwo ni ukuvuga ngo agaciro bahita bakamuha, iwabo ntabwo bakamuhaye ariko twe turakamuhereza. Natwe rero kuvuga ngo Minisitiri yavuze ko ngo mu Rwanda nta batoza barimo, ariko nawe yiyibagiza ko muri porogaramu y’igihugu bavuze ngo abagore babahe umwanya tukavuga tuti ntibishoboka... ubu akaba ayobora ari umugore, ubwose iyo atabona umwanya aba ari hehe ubungubu? Aba akitwa umugore ariko ubu ni Minisitiri".

Uyu mutoza asaba ko Minisitiri Uwacu Julienne yashyiraho abatoza babiri b’abanyarwanda, akabagirira icyizere nk’uko nawe yakigiriwe ntawe umutoye. Aha aragira ati: "Ni ukuvuga ngo nawe nasubire mu ijambo yavuze, avuge ati noneho reka nanjye mfate abatoza babiri mbahe icyo cyizere nk’uko nawe bakimuhaye, kuko ntawamutoye, ntabwo yiyamamaje ngo abe Minisitiri, baramunomye, baricaye baramunoma (nommer)... Natekereze avuge ati nanjye abo batoza b’abanyarwanda reka mbashyireho, nibibananira, kuko n’ubundi n’abandi bariho ntacyo baratugezaho, nta gikombe barazana, ntabwo barajya muri CAN, ntacyo bari baduhereza... Reka tubihereze abanyarwanda, umushahara bahembwaga tuwugabanye gatatu, tubahe imyaka ibiri, nibatagera aho abazungu bageze, muzavuge ko abanyarwanda batazi gutoza."

Uretse Bekeni, abandi batoza b’amakipe atandukanye mu Rwanda nabo ntibishimiye ibyatangajwe na Minisitiri Uwacu Julienne. Hari abavuga ko niba batoza amakipe akurwamo abakinnyi bakinira ikipe y’igihugu, bisobanura ko hari akazi baba bakoze, bakibaza niba bazashaka n’abakinnyi b’abanyamahanga batatojwe n’abatoza bo mu Rwanda bakaba ari bo bakinira Amavubi.


Tanga Igitekerezo
Ibitekerezo 8
bebe Kuya 17-06-2016

Usibye na sports bayobora ni bihugu.

Alpha Kuya 17-06-2016

Minisitiri Julienne mumufashe hasi uvuze ko nyirurugo yapfuye siwe uba umwishe, yavuze ukuri kwambaye ubusa, mwikwiha kumushyogoza cyane ngo mumwubahuke, muzana sakwe sakwe mu binyamakuru. Ndibuka hari umuyobozi wo hejuru ntavuze izina wigeze gusabira Umutoza Kanyankore Yaoundé gutoza Amavubi biramunanira aregura. None mwihaye Minisitiri ngo avuze ibitari byo, ahubwo aho guterana nawe amagambo icyo nakizibe abashakira amahugurwa afatika mu bihugu byadutanze guconga ruhago bifite ubuzobere buri hejuru mu ruhando mpuzamahanga.

uknessi Kuya 17-06-2016

biragoye kuba wamugani umuntu atarakinnye umupira ariko akayobora abawusaziyemo kandi atiri uko yawize mwishuri gusa harigihe umuntu avuga atabanje kubyigahoneza no gucikwa bibaho ariko abanyarwanda dufite abatoza beza kdi icyizere kirahari bazagera heza kurushako

uknessi Kuya 17-06-2016

biragoye kuba wamugani umuntu atarakinnye umupira ariko akayobora abawusaziyemo kandi atiri uko yawize mwishuri gusa harigihe umuntu avuga atabanje kubyigahoneza no gucikwa bibaho ariko abanyarwanda dufite abatoza beza kdi icyizere kirahari bazagera heza kurushako

uwayo Kuya 17-06-2016

Andika Igitekerezo cyawe hanokuyobora siporo utarayikoze na gato habe no gukina biye cg ikarita kandi hari abatoza erega na FERWAFA ni uko

Man Kuya 16-06-2016

Ni hatari

peter Kuya 16-06-2016

erega ntamugore nabonye uyobora siporo!Ahubwo n,ibyo mwitaga isosi bigiye kuba amazi.!!

peter Kuya 16-06-2016

erega ntamugore nabonye uyobora siporo!Ahubwo n,ibyo mwitaga isosi bigiye kuba amazi.!!

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA