Nyuma y’umukino w’ishiraniro, Portugal yegukanye igikombe cya Euro 2016

Chief Editor | 10-07-2016
Nyuma y’umukino w’ishiraniro, Portugal yegukanye igikombe cya Euro 2016

Umukino wa nyuma w’igikombe cya Euro 2016 wahuje Portugal n’u Bufaransa, wari umukino w’ishiraniro waranzwe no guhangana kw’amakipe yombi, kugeza ubwo iminota isanzwe y’umukino yarangiraga nta kipe ibashije kwinjiza indi igitego, ariko nyuma yo guhangana Portugal ikegukana igikombe.

Ikintu cyatunguye abantu cyane, ni uburyo ikirangirire Cristiano Ronaldo yavuye mu kibuga hakiri kare, ku munota wa 25 w’umukino. Ibi byatewe n’ikibazo cy’imvune, bituma umwe mu bakinnyi bari bahanzwe amaso kurusha abandi mu irushanwa akurwa mu kibuga.

JPEG - 26.3 kb

Cristiano Ronaldo yavunitse hakiri kare, abakunzi be bajya mu gahinda

JPEG - 27.4 kb

Kuvunwa akajya hanze y’ikibuga, byamubabaje cyane amarira azenga mu maso

Gusa kuva mu kibuga kwa Cristiano Ronaldo, ntibyabujije Portugal kwihagaraho, iminota isanzwe y’umukino ikarangira nta kipe ibashije kwinjiza indi igitego, biba ngombwa ko hitabazwa iminota 30 y’inyongera maze ku munota w’109, Eder atsindira Portugal igitego rukumbi cyabonetse muri uyu mukino.

JPEG - 26.2 kb

Nyuma yo gutsinda, Cristiano wari wihebye ibyishimo byabaye byose.

Ikipe y’igihugu y’u Bufaransa, yagerageje gushaka uko yakwishyura iki gitego biranga, umukino urangira itsindiwe mu gihugu cyabo ahabereye imikino yose y’igikombe cya Euro 2016. Nyuma y’umukino, byari ibyishimo kuri Portugal na kapiteni wayo Cristiano Ronaldo wavunitse ntabashe kurangiza uyu mukino.

JPEG - 42.9 kb

N’ubwo imikino y’amajonjora yarangiye Portugal benshi batayiha amahirwe, yabashije gutwara iki gikombe itarigeze itsindwa umukino n’umwe, gusa nanone umukino umwe gusa niwo yatsinze mu minota 90 isanzwe y’umukino.

KANDA HANO UREBE VIDEOS UTASANGA AHANDI