konka coffee
KONKA

AMAKURU

UKWEZI

Olivier Karekezi yatunguwe na Minisitiri Uwacu uvuga ko abanyarwanda batatoza Amavubi

Olivier Karekezi yatunguwe na Minisitiri Uwacu uvuga ko abanyarwanda batatoza Amavubi
15-06-2016 saa 05:06' | By Chief Editor | Yasomwe n'abantu 4402 | Ibitekerezo 16

Nyuma y’uko Minisitiri Uwacu Julienne atangaje ko abatoza b’abanyarwanda badafite ubushobozi bwo gutoza ikipe y’igihugu y’umupira w’amaguru, Olivier Karekezi wakiniye u Rwanda igihe kirekire yagaragaje ko yatunguwe n’ibyavuzwe na Minisitiri, akaba atanemeranya nawe.

Kuri uyu wa Kabiri tariki 14 Kamena 2016, nibwo Abadepite bagize Komisiyo y’Ingengo y’Imari n’Umutungo by’Igihugu bakiriye Minisitiri w’Umuco na Siporo, Uwacu Julienne ngo asobanure uko Minisiteri ayobora izakoresha ingengo y’imari ya 2016/2017, maze anabazwa ku kibazo cy’umusaruro mubi w’ikipe y’igihugu y’umupira w’amaguru.

Umwe mu badepite yabajije Minisitiri Uwacu impamvu ikipe y’igihugu idatozwa n’umunyarwanda ahubwo igatozwa n’abanyamahanga batwara igihugu amafaranga menshi ariko ntihagire umusaruro muzima batanga, maze Minisitiri Uwacu avuga ko abanyarwanda nta bushobozi bafite bwo kuyitoza.

JPEG - 69.6 kb

Yagize ati: "Amakipe yacu kuba adatanga umusaruro nk’uko tubikeneye, nibyo bishobora kuba bifite impamvu zitari izishingiye ku bakinnyi cyangwa ku batoza gusa, zinajyanye n’aho duturutse mu bijyanye no guteza imbere siporo. Kuba rero twarafashe umwanzuro muri politiki yacu ko dukwiye kubaka siporo ishingiye ku Banyarwanda, ni na ngombwa ko duteza imbere n’abatoza kuko ntabwo umukinnyi ashobora gutera imbere adafite umutoza... Kugeza ubu abatoza dufite urwego bariho, bashobora gutoza amakipe yo mu cyiciro cya mbere n’icya kabiri ndetse baranayatoza, ariko na bo hari urwego batarageraho.”

Mu bahise bagaragaza ko badashyigikiye ibyatangajwe na Minisitiri Uwacu Julienne, harimo na Olivier Karekezi wabaye igihe kinini kapiteni w’ikipe y’igihugu y’umupira w’amaguru. Mu butumwa yanditse abinyujije ku mbuga nkoranyambaga, agaragaza ahubwo uburyo abahabwa akazi b’abanyamahanga bakanahembwa akayabo, ari bo bagaragaza ko nta bushobozi bafite.

Olivier Karekezi ati: "Nyakubahwa Minisitiri Uwacu Julienne, mu byubahiro byanyu,... igihe cyose gishoboka Nyakubahwa Perezida Paul Kagame ahora adusaba kwigirira icyizere, tukagerageza kwihesha agaciro mu byo dukora byose! Numvise uvuga ko nta bushobozi umunyarwanda afite bwo gutoza ikipe y’igihugu, nyamara uwo wakigiriye ukamusinyisha miliyoni 200 n’andi arengaho mu myaka ibiri akaba atarakuzanira na CECAFA, ndumva ari we udafite ubushobozi!

Ahubwo nkaba nagirango mbisabire... aho gutanga izo miliyoni zose zikagendera ubusa, ntiwafasha abatoza b’abanyarwanda badadite ubwo bushobozi bakajya kwiga noneho ejo tukaba nk’ibindi bihugu biri gutozwa n’abene gihugu? Urugero ni nka Senega, Nigeria... Ibihugu ni byinshi bitakifashisha abatoza baza bakigendera bakagenda nta n’icyo bafashije ibihugu byabo. Murakoze"

Iki gitekerezo cya Olivier Karekezi, abantu benshi bagaragaje ko bagishyigikiye kandi ko cyumvikana kuko abanyamahanga bahembwa menshi ntibatange umusaruro. Ubaze guhera muri 2010, abatoza b’abanyamahanga bagiye batoza u Rwanda harimo abahembwaga agera ku bihumbi 20.000 by’amadolari buri kwezi, ni ukuvuga arenga 16.000.000 uyabaze mu mafaranga y’u Rwanda.

Si aya gusa ariko, hiyongeraho n’ibindi byinshi babaga bemerewe nk’agahimbazamusyi, inzu yo kubamo, imodoka na lisansi, amatike y’indege ajya i Burayi, ikarita zo guhamagara n’ibindi. Nyamara ariko, nta musaruro ufatika bigeze bagezaho ikipe y’u Rwanda.


Tanga Igitekerezo
Ibitekerezo 16
Tj Kuya 18-06-2016

Uyumugore nawe ntashoboye ministere ngaho nibamuvaneho
bazane abo bazungu ese ubundi urafata umuntu uvuye guhinga ibijumba waranjyiza ukamushyira hariya ngo nayobore abantu buriya bumvaga yabishobora koko? Guha abagore agaciro sukubaha akazi badashoboye

peter Kuya 16-06-2016

juliene ntakihutire kuvuga,ajye abanza atekereze.Noneho ngaho nawe nave kuntebe bashyireho umuzungu maze turebe

Rwambonera Kuya 16-06-2016

Abobose bavuga ibyo baba batamiye sha

Pacifique Kuya 16-06-2016

Uwacu yadupfunyikiye amazi gusinyisha imyaka ibiri umunyamahanga udashoboye

Emmanuel-_Niyo Kuya 15-06-2016

niba uwo mu misitre abona abanyarwanda batashobora gutoza amakipe yabo mbona ariwe wiguriye icyizere kandi umuntu utifiye icyizere ntacyo yatugezaho nkabanyarwanda ahubwo niyegure

bosco Kuya 15-06-2016

ubanza ministries atazi agaciro ko gukunda igihugu nigute utanga akayabo kibidorari bingana kuriya bitagira umusaruro ukirengagiza ko hari abakitangiye nanubu babazwa numusaruro mubi utngwa na ba rugigana badakunda igihugu?jye ndabona bakwiga uko izo nama za Olivier zakwitabwaho vuba

Patrick Kuya 15-06-2016

Reka ahobigeze tunagerageze twishakemo ibisubizo .ntabwo twaca wamugani ngo akimuhana kaza imvura ihise Turakihamagarira ikanatunyagira nibyobibabaje

Patrick Kuya 15-06-2016

Reka ahobigeze tunagerageze twishakemo ibisubizo .ntabwo twaca wamugani ngo akimuhana kaza imvura ihise Turakihamagarira ikanatunyagira nibyobibabaje

Tania Kuya 15-06-2016

Ese ko mbona ntakizere abanyarwanda bahabwa, kandi tugomba kwigirira icyizere ko byose bishoboka, ayo mafaranga muzayafashije abakene naho kuyashyira mu mavubi yatsindwa bakabavuga nabi nyamara ahawe abakene, abazunguzayi abo bose babavuga neza ko hari icyo mwakoze, bitabaye bityo ntaterambere duteze kubona. Mugarure abanyamahanga babafashe gukina umupira nkuko baza baje gushora imali zabo mu Rwanda. Murakoze.

Tania Kuya 15-06-2016

Ese ko mbona ntakizere abanyarwanda bahabwa, kandi tugomba kwigirira icyizere ko byose bishoboka, ayo mafaranga muzayafashije abakene naho kuyashyira mu mavubi yatsindwa bakabavuga nabi nyamara ahawe abakene, abazunguzayi abo bose babavuga neza ko hari icyo mwakoze, bitabaye bityo ntaterambere duteze kubona. Mugarure abanyamahanga babafashe gukina umupira nkuko baza baje gushora imali zabo mu Rwanda. Murakoze.

idea Kuya 15-06-2016

Ngewd ahubwo mbona nta munyarwanda ushobora kuyobora Ministere ya sport. Nisabiraga Muzehe kutuvaniraho uriya mugore, bakatuzanira umunyamahanga! hahaha!

merci Kuya 15-06-2016

ayinya karekezi urans4etsa rwose wimena amazi nkurutare ngo kirayenga sikinonko usibye no kubaha akazi c abo mwakinanye bakiri abanyarwanda ni bangahe katauti ,saidi abedi makasi icyo babituye ntukizi utirengegije gusa nanjye ndagushyigikiye urugero rayon sport umusaruro itanga nuko itozwa numunyarwanda kdi wawukinnye minister nabyigeho akazi bagahe abanyarwanda ninabo batazabahenda banagende babapfuraho nyine bo c babaho bate

merci Kuya 15-06-2016

ayinya karekezi urans4etsa rwose wimena amazi nkurutare ngo kirayenga sikinonko usibye no kubaha akazi c abo mwakinanye bakiri abanyarwanda ni bangahe katauti ,saidi abedi makasi icyo babituye ntukizi utirengegije gusa nanjye ndagushyigikiye urugero rayon sport umusaruro itanga nuko itozwa numunyarwanda kdi wawukinnye minister nabyigeho akazi bagahe abanyarwanda ninabo batazabahenda banagende babapfuraho nyine bo c babaho bate

Bikorimana Noeli Kuya 15-06-2016

Murikanokanya Mbaye Umukuruwigihu Nakuraho Ikipe Yigihugu Nkimyaka 10 Nkabanzankubaka Shampiyona Ariyamafrw Nahaga Umutoza Nayo Ikipeyigihuguyatwaraga Yosenkayegeranya Nkashinga Ibigo 5 Byigisha Umupira Burikigo Hakajyamo Abana 500 Burimyaka 5 Nkatanga Abakinnyi Mumakipe Agizeshampiyona Arinako Ninjiza Abandi Kandibyatanga Umusaruro Najyanakira Abarimutsiyimyaka 15 Shamumyaka 20 Urwanda Rwaba Rurimurwegorwaza Nigeria Southa Africa ....Habakubakinnyi Nokubatoza.

Gasore J de Dieu Kuya 15-06-2016

nyakubahwa ministri jyekubwajye sinemeranwa nawe kuko iyo urebye abatoza banyuzemu rwanda bagatoza amavubi nibenshi ark muribo ntagitangaza bakoze nyamara erega murwandasihari abakinnyi babi ahubwo harikintukibura ark tubishatse cyacyemuka buriya hashaswe umutoza wumunyarwanda wawukinnyi ndetse wajyerajyeje nokujyerakure hatarajyerwa nabarumunabe byamufasha kujyera kure kuko haribyinshi yabereka nkibangayakoreshaga kugirango ahajyere urugero harabanyarwanda bakinnye can barabikoze twese turishima mubyukuri umupira bakinaga ntahuhuriye nuwukinwa uyumutsi wano kandi ubunibwo twakabonye uwutandukanye nuwakiriyagihe kutwese turabizi ko urwanda rwarirukiyubaka nonubu haraho twavuye naho twajye dukwiye kwigirira icyizere none c niwumvako umunyarwanda adashoboye numukinnyi ubwe azajya guhura nuwumurusha amate ahiteyumvako nubundi haraho atarajyera ahubwo batahangana agomba kumwigiraho gusa ubwo twazahora twiga kugezaryari?

gg Kuya 15-06-2016

nonese ushizeho umunyamahanga ukamuha izo 16.000.000/mois ko wafataho 5.000.0000 zawe ushyizeho umunyarwanda ukamuhemba 1.500.0000 wafataho iki? 200 k kumuntu wihaye? never nibabe bayapfura pore pore

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA