Perezida Putin yasetse cyane ukuntu abafana 200 b’Abarusiya bakubise abongereza ibihumbi

Chief Editor | 18-06-2016
 Perezida Putin yasetse cyane ukuntu abafana 200 b’Abarusiya bakubise abongereza ibihumbi

Vladimir Putin, Perezida w’igihugu cy’u Burusiya, mu bitwenge byinshi yabajije uburyo abafana b’abarusiya 200 babashije gukubita ibihumbi byinshi by’abafana b’Abongereza, mu mukino wa Euro 2016 wabaye kuwa Gatandatu w’icyumweru gishize ukarangira u Bwongereza n’u Burusiya binganyije 1-1.

Perezida Vladimir Putin uzwiho kutaripfana no kugira amashyengo, kuva iyi mirwano yaba ntacyo yari yarigeze abivugaho, ariko mu nama yigaga ku bukungu yabereye ahitwa St Petersburg kuri uyu wa Gatanu, yatangaje abantu ubwo yavugaga ko yumva bisekeje kuvuga ko abarusiya 200 ari bo bateje imirwano, mu gihe abongereza bari ibihumbi byinshi.

Perezida Putin ati: "Imirwano hagati y’abafana b’abarusiya n’abongereza, kiriya ni igisebo. Sinzi ukuntu abafana 200 b’abarusiya bashoboye gukubita ibihumbi byinshi by’abongereza, biratangaje"

Putin kandi yanenze icyemezo UEFA yafashe kuwa Gatatu ubwo yafatiraga ibihano u Burusiya kubera iyi mirwano, avuga ko abarwanye bose bagombaga guhanwa kimwe. Yagize ati: "Ibi byerekana ko hari ibibazo byinshi biri muri siporo. Ubu imikino iri kuba ariko abantu bitaye cyane ku mirwano y’abafana yabaye. Ikindi kandi, abarwanye bose bagombaga gufatwa kimwe."

Ibi byose Perezida Putin yabivuze aseka cyane, agaragaza ko kuvuga ko abarusiya ari bo bateje imirwano bitumvikana, kuko batarengaga 200 mu gihe abongereza bari benshi cyane.

REBA HANO AMAFOTO AGARAGAZA UBUKANA BW’IYO MIRWANO:

KANDA HANO UREBE VIDEOS UTASANGA AHANDI