Samuel Eto’o Fils yakoze ubukwe n’umugore bari bamaze igihe babana - Amafoto

Chief Editor | 15-06-2016
Samuel Eto’o Fils yakoze ubukwe n’umugore bari bamaze igihe babana - Amafoto

Kuri uyu wa Kabiri tariki 14 Kamena 2016, nibwo umunya Cameroon Samuel Eto’o Fils wakiniye amakipe nka FC Barcelona, Inter Milan na Chelsea, yakoze ubukwe n’umukunzi we bari basanzwe babana witwa Georgette Tra Lou.

Ubukwe bwa Samuel Eto’o n’umugore we bwabereye ahitwa Stezzano mu gihugu cy’u Butaliyani, bakaba barasezeranye imbere y’Imana nyuma y’uko n’ubundi bari bamaze igihe babana ndetse banafitanye abana babiri.

Mu byamamare byatashye ubu bukwe, harimo Carlos Puyol wahoze ari myugariro w’ikipe ya FC Barcelona, uyu akaba yarakinanye na Samuel Eto’o anamubera kapiteni muri iyi kipe.

Carlos Puyol n’umugore we bari mu batashye ubukwe bwa Samuel Eto’o

Eto’o w’imyaka 35 y’amavuko, we na Georgette, bashakanye muri 2007 nyuma yo gusezerana imbere y’amategeko ariko bakaba batari barakoze ubukwe ngo banasezerane imbere y’Imana.

KANDA HANO UREBE VIDEOS UTASANGA AHANDI