Umukinnyi ukomoka muri Congo yakoze amateka atarakorwa n’undi wese ku isi

Parfait Mutabazi | 11-10-2016
Umukinnyi ukomoka muri Congo yakoze amateka atarakorwa n’undi wese ku isi

Umukongomani ufite ubwenegihugu bw’ababiligi akaba anakinira ikipe y’igihugu y’un Bubirigi witwa Christian Benteke ubu ukinira ikipe ya Crystal Palace yo mu Bwongereza, yamaze guca agahigo ko kuba ari we mukinnyi w’umupira w’amaguru umaze gutsinda igitego cyihuse mu mikino yo gushaka itike y okujya mu gikombe cy’isi, haba i Burayi cyangwa ahandi hose ku isi.

Mu mukino wahuje ikipe y’u Bubiligi na Gibraltar, Christian Benteke yaje gutsinda ibitego bitatu mu bitego bitandatu byatsinzwe muri uwo mukino, harimo n’igitego yatsinze ku isegonda rya 7 gusa ahita aca agahigo k’umukinnyi wa mbere utsinze igitego cyihuse mu mikino y’amajonjora yo kujya mu mikino y’igikombe cy’isi.

Uyu musore yakinnye mu ikipe ya Aston Villa yo mu gihugu cy’u Bwongereza ubu yamanutse mu cyiciro cya kabiri, ayivamo ajya muri Liverpool nayo yo muri iki gihugu ariko ntibyamihiriye, cyane ko umutoza wamujyanyemo, Brendan Rodgers yahise yirukanwa agasimburwa na Klopp utarigeze yiyumvamo uyu musore.

Benteke yavuye mu ikipe ya Liverpool abantu bamufata nk’utagishoboye ndetse bamwe ntibatinye kuvuga ko ashaje akwiye kuva mu kibuga. Nyuma yo kugurwa miliyoni 30 z’amapawundi amaze gutsinda ibitego 3 mu mikino ine amaze gukinira ikipe ya Crystal Palace.

KANDA HANO UREBE VIDEOS UTASANGA AHANDI