konka coffee
KONKA

AMAKURU

UKWEZI

Umunyezamu yatawe muri yombi nyuma yo gutsindwa ibitego 43 mu mukino umwe

Umunyezamu yatawe muri yombi nyuma yo gutsindwa ibitego 43 mu mukino umwe
22-09-2016 saa 08:11' | By Chief Editor | Yasomwe n'abantu 8306 | Ibitekerezo 7

Umunyezamu w’umudage, Marco Kwiotek, yatawe muri yombi na Polisi yamusanze ku kibuga ari mu myitozo, ibi bikaba byaramubayeho nyuma y’iminsi 5 atsinzwe ibitego 43 mu mukino umwe.

Ikinyamakuru The Sun kivuga ko ikipe Marco Kwiotek arindira izamu yitwa SV Volderort, ikaba iherutse kwandagazwa n’indi kipe yitwa PSV Oberhausen yayitsinze ibitego 43 byose ku busa.

Muri uwo mukino, igice cya mbere cyarangiye ari ibitego 35-0, maze ikipe ya PSV Oberhausen ikuramo abakinnyi bayo batatu nk’ikimenyetso cyo gusuzugura iyi kipe bakinaga, ariko nabwo mu gihe cya kabiri abakinnyi 8 babasha gutsinda ibindi bitego 8, umukino urangira ari 43 -0.

Ikinyamakuru The Sun kivuga ko Marco Kwiotek yatawe muri yombi na Polisi yo mu Burengerazuba bw’u Budage, bikaba byibazwa niba bifite aho bihuriye n’uyu mubare w’ibitego yatsinzwe n’ubwo Polisi yo yanze kugira icyo ibivugaho.

Umutoza w’iyi kipe witwa Liesenfeld ndetse n’umuyobozi wayo Christian Schröer batangaje ko byababereye urujijo, n’ubwo uyu munyezamu Marco Kwiotek yinjijwe ibitego byinshi cyane mu mukino umwe bakaba batarasobanukirwa niba yabinahirwa n’amategeko.


Tanga Igitekerezo
Ibitekerezo 7
RUBANDA Kuya 4-10-2016

IYI BYENDAGUSETSA IRANYISHE KBS IMBAVU ZIRANDIYE

Fifi Kuya 26-09-2016

Ntibavuga simukansetse bavuga Ntimukansetse@ simple we! Please twe kwica ururimi rwacu.

Mico Kuya 23-09-2016

Abakinnyi se no bari he he? Hhhhh

hirwa Kuya 22-09-2016

aka ni akumiro koko iyi yari basket ball ??? aha ndumiwe da

Didie Kuya 22-09-2016

Iyi yagobye kuba byenda gusetsa

habimana Eugene Kuya 22-09-2016

Hhhhh,ubwo iryo zamu si nk,aho nta muntu warurimo? Harindimana bamufungure siwe wari muri icyo kibuga wenyine da!

simple Kuya 22-09-2016

Hahahaha simukansetse vrmt!!

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA