Umunyezamu yatawe muri yombi nyuma yo gutsindwa ibitego 43 mu mukino umwe

Chief Editor | 22-09-2016
Umunyezamu yatawe muri yombi nyuma yo gutsindwa ibitego 43 mu mukino umwe

Umunyezamu w’umudage, Marco Kwiotek, yatawe muri yombi na Polisi yamusanze ku kibuga ari mu myitozo, ibi bikaba byaramubayeho nyuma y’iminsi 5 atsinzwe ibitego 43 mu mukino umwe.

Ikinyamakuru The Sun kivuga ko ikipe Marco Kwiotek arindira izamu yitwa SV Volderort, ikaba iherutse kwandagazwa n’indi kipe yitwa PSV Oberhausen yayitsinze ibitego 43 byose ku busa.

Muri uwo mukino, igice cya mbere cyarangiye ari ibitego 35-0, maze ikipe ya PSV Oberhausen ikuramo abakinnyi bayo batatu nk’ikimenyetso cyo gusuzugura iyi kipe bakinaga, ariko nabwo mu gihe cya kabiri abakinnyi 8 babasha gutsinda ibindi bitego 8, umukino urangira ari 43 -0.

Ikinyamakuru The Sun kivuga ko Marco Kwiotek yatawe muri yombi na Polisi yo mu Burengerazuba bw’u Budage, bikaba byibazwa niba bifite aho bihuriye n’uyu mubare w’ibitego yatsinzwe n’ubwo Polisi yo yanze kugira icyo ibivugaho.

Umutoza w’iyi kipe witwa Liesenfeld ndetse n’umuyobozi wayo Christian Schröer batangaje ko byababereye urujijo, n’ubwo uyu munyezamu Marco Kwiotek yinjijwe ibitego byinshi cyane mu mukino umwe bakaba batarasobanukirwa niba yabinahirwa n’amategeko.

KANDA HANO UREBE VIDEOS UTASANGA AHANDI