Zlatan Ibrahimovic yabaye umukinnyi wa Manchester United, yishongora ku Bafaransa

Chief Editor | 1-07-2016
Zlatan Ibrahimovic yabaye umukinnyi wa Manchester United, yishongora ku Bafaransa

Igihangange mu mupira w’amaguru, umunyasuwedi Zlatan Ibrahimovic, yamaze gusinya amasezerano y’umwaka umwe mu ikipe ya Manchester United, aho agiye kumara icyo gihe ari rutahizamu uzafasha iyi kipe itozwa na Jose Mourinho kongera kugarurira ibyishimo abafana.

Zlatan Ibrahimovic wavuye mu ikipe ya Paris Saint Germain atwaye igikombe cya shampiyona ndetse yigaragaje cyane, yihenuye ku Bafaransa mu magombo agira ati: "Naje aho ndi umwami, mpavuye ndi umunyabigwi, nubatse amateka muri shampiyona yanyu bizagora undi wese kugeraho."

Mu ikipe ya Manchester United, Zlatan Ibrahimovic azajya ahembwa akayabo k’ibihumbi magana abiri by’amapawundi buri cyumweru, ni ukuvuga arenga 200.000.000 uyabaze mu mafaranga y’u Rwanda.

Nyuma yo kuva muri Paris Saint Germain, amakipe menshi cyane cyane ayo mu Bwongereza yari yagaragaje ko amwifuza ariko byarangiye ikipe ya Manchester United igiye gutozwa na Jose Mourinho imwegukanye.

KANDA HANO UREBE VIDEOS UTASANGA AHANDI