Sugira Ernest yagarutse i Kigali nyuma yo gutangwaho arenga 105.000.000

Chief Editor | 19-05-2016
Sugira Ernest yagarutse i Kigali nyuma yo gutangwaho arenga 105.000.000

Sugira Ernest ; umukinnyi w’ikipe y’igihugu Amavubi akaba yari asanzwe anakinira ikipe ya AS Kigali, yagarutse i Kigali mu ijoro ryo kuri uyu wa Gatatu tariki 18 Gicurasi 2016, avuye muri Repubulika Iharanira Demokarasi ya Kongo aho yamaze gusinya amasezerano y’umwaka n’igice muri AS Vita Club yamuguze akayabo.

Ibi ni amateka akomeye yagezeho nyuma yo kwigaragaza cyane no kwerekana ubuhanga budasanzwe mu mikino ya CHAN 2016, mu mikino ya shampiyona y’u Rwanda n’indi itandukanye yakinnye, iyi kipe ya Vita Club ; imwe mu makipe akomeye muri Repubulika Iharanira Demokarasi ya Kongo, ikaba yamusinyishije imaze gutanga akayabo k’amadolari 130.000, ni ukuvuga amafaranga y’u Rwanda arenga 105.000.000.

Biteganyijwe ko Sugira Ernest azasubira i Kinshasa nyuma y’umukino w’ikipe y’igihugu Amavubi na Mozambique uzabera i Kigali tariki 10 Kamena 2016, ikipe ya mbere azahita acakirana nayo ikaba ari iya TP Mazembe isanzwe ihangana cyane na Vita Club.

Sugira Ernest azakinira ikipe ye ya AS Vita Club mu mikino mpuzamahamanga ku mugabane nyafurika, ndetse anakomezanye n’iyi kipe mu mikino ya shampiyona isigaye.

KANDA HANO UREBE VIDEOS UTASANGA AHANDI