Amatariki y’ubukwe bwa Knowless uherutse gukorerwa Bridal Shower yamenyekanye

Chief Editor | 5-07-2016
Amatariki y’ubukwe bwa Knowless uherutse gukorerwa Bridal Shower yamenyekanye

Mu gihe ubukwe bwa Ishimwe Clement n’umuhanzikazi Butera Knowless burimo gutegurwa mu bwiru bukomeye, imwe mu mihango y’ubu bukwe yamaze gukorwa ariko nabwo bikorwa mu ibanga rikomeye. Umuryango w’umusore wamaze gufata irembo, Knowless akorerwa Bridal Shower, ubu hatahiwe gusezerana imbere y’amategeko, gusaba no gukwa n’ubukwe nyirizina bwo gusezerana imbere y’Imana.

Mu masaha y’umugoroba wo ku Cyumweru tariki 26 Kamena 2016, nibwo umuryango wa Ishimwe Clement wagiye gufata irembo mu muryango wa Butera Knowless uherereye mu karere ka Ruhango mu Ntara y’Amajyepfo.

JPEG - 131.6 kb

Urugo rwafatiwemo irembo ni urw’umusaza witwa Rugumire Marcel ruherereye mu mudugudu wa Nyarusange, mu kagari ka Nyamagana, mu murenge wa Ruhango wo muri aka karere ka Ruhango.

N’ubwo Knowless akomoka mu Ruhango, ntabwo ahafite ababyeyi be kuko bombi batabarutse. Ubusanzwe Butera Jeanne d’Arc uzwi nka Knowless, ni mwene Jean Marie Vianney Butera na Marie Claire Uyambaje ariko bombi ntibakiriho. Rugumire Marcel, ni umugabo wa Mukantamati Jeannette, uyu akaba ari nyinawabo wa Knowless kuko ari umuvandimwe wa Marie Claire Uyambaje

Nyuma yo gufata irembo, ku Cyumweru tariki 3 Nyakanga 2016, Knowless yakorewe n’inshuti ze ziganjemo abagore n’abakobwa, ibirori bizwi nka Bridal Shower bikorerwa umukobwa ugiye gushyingirwa, agahabwa impano ndetse n’impanuro zizamufasha gufata umugabo neza no kumenya kubaka urugo.

JPEG - 44.6 kb
JPEG - 82.3 kb

Aha ni mu birori bya Bridal Shower Knowless yakorewe ku Cyumweru

Nyuma y’iyi mihango, hazakurikiraho imihango yo gusezerana mu murenge izaba mu minsi ya vuba, gusa yo amatariki yayo tukaba tutarabasha kuyamenya n’ubwo hari amakuru yizewe agera ku kinyamakuru Ukwezi.com avuga ko impapuro z’ubutumire zamaze gutangwa kuri bamwe zigaragaza amatariki y’imihango yo gusaba no gukwa ndetse b’iyo gusezerana imbere y’Imana mu rusengero rw’abadivantisiti w’umunsi wa Karindwi rw’i Nyamirambo mu mujyi wa Kigali.

Butera Knowless, azasabwa ndetse akobwe tariki 31 Nyakanga 2016, hanyuma tariki 7 Kanama 2016 hakazabaho imihango yo gusezerana mu rusengero rw’Abadivantisiti b’umunsi wa Karindwi ruri i Nyamirambo, nyuma kwiyakira bizabere muri hoteli Golden Tulip iri mu karere ka Bugesera.

JPEG - 68.6 kb

KANDA HANO UREBE VIDEOS UTASANGA AHANDI