Anita aracyashengurwa n’umusore wapfuye baraye basangiye bugacya yitaba Polisi

Chief Editor | 7-06-2016
Anita aracyashengurwa n’umusore wapfuye baraye basangiye bugacya yitaba Polisi

Umunyamakuru, umu Dj akaba n’umushyushyarugamba MC Anita Pendo, yongeye gushengurwa n’urupfu rw’umusore w’inshuti ye wapfuye baraye basangiye bigatuma anakorwaho iperereza na Polisi y’u Rwanda ariko nyuma bakaza kumurekura.

Hari kuwa Gatandatu tariki 6 Kamena mu mwaka ushize wa 2015, ubwo Anita yavaga i Gicumbi muri Primus Guma Guma Super Star, agasohokana n’inshuti ze zirimo n’umusore witwa Rurangwa Yves bakundaga kwita Jimmy. Anita yaje gusiga abo bagenzi be aho bari basohokeye, bukeye uwo musore aza gusangwa iwe mu rugo yapfuye ariko ntihahita hamenyekana icyamwishe ari nabwo iperereza ryatangiraga maze Anita Pendo akaba umwe mu bahise bahamagazwa bakorwaho iperereza.

Kubazwa na Polisi iby’urupfu rw’inshuti ye, byashenguye Anita cyane kuko n’ubundi yari yashavujwe n’urwo rupfu, akomeza gusongwa n’uko yabazwaga anafite ubwoba ko ashobora gutabwa muri yombi. Icyo gihe yanditse kuri Whatsapp amagambo agaragaza agahinda yari afite, akaba yaragize ati: "Jimmy Imana yaraguhamagaye nibyo ruhuka ariko nize byinshi musaza wanjye, ndabizi urimo kubibona byose ukabura uko undwanirira"

JPEG - 63.3 kb

Anita n’uyu musore bari basanzwe ari inshuti cyane

Mu gitondo cyo kuri uyu wa Kabiri, Anita yongeye kwibuka iyi tariki ashengurwa n’agahinda, maze abinyujije ku rubuga rwa facebook yandika amagambo agira ati: "Umwaka urashize Imana iguhamagaye muvandimwe Jimmy, warakoze pe! Igihe nakumenye uri kuri iyi si nakwigiyeho byinshi ndetse n’aho Imana iguhamagariye nize byinshi kubera urupfu rwawe, watumye niga kwihangana n’aho umuntu wese abona bidashoboka, niga gusangira ku isahani imwe n’abanzi bange. Ruhukira mu mahoro Jimmy, uzahora mu mitima yacu."

JPEG - 73.1 kb
JPEG - 86.8 kb

Aha ni mu muhango wo gushyingura nyakwigendera, Anita usanzwe ahora yisekera yasaga n’ushavuye cyane

JPEG - 65.8 kb
JPEG - 84.9 kb
JPEG - 90.9 kb
JPEG - 84.8 kb

Aya ni amafoto bifotoje kuwa Gatandatu mbere y’uko Jimmy apfa

KANDA HANO UREBE VIDEOS UTASANGA AHANDI