Chris Brown yatawe muri yombi nyuma yo guhamagarizwa Polisi na Miss California

Rukundo Irené | 31-08-2016
Chris Brown yatawe muri yombi nyuma yo guhamagarizwa Polisi na Miss California

Chris Brown kuri ubu ufite imyaka 27 y’amavuko ni umuhanzi w’ikirangirire mu njyana ya R&B ndetse akaba yaragiye atsindira ibihembo bitandukanye muri iyi njyana. Mu gitondo cyo kuri uyu wa Kabiri, umukobwa w’umuturanyi we wanabaye Miss California yaramutse amutabariza ahamagaza abashinzwe umutekano bo muri California aho uyu mu hanzi atuye, amushinja kumutera ubwoba akoresheje imbunda. Uyu mukobwa, yahamagaye abapolisi ababwira ko Chris Brown yamutunze imbunda ubwo yiviraga iwe mu masaha ya mu gitondo. Kugeza ubu Chris Brown yamaze gutabwa muri yombi.

Abashinzwe umutekano muri California bakimara kubona uyu mukobwa ahamagaye, bahise bohereza imodoka zirimo abapolisi ku rugo rwa Chris Brown bararuzenguruka. Umuvugizi w’igipolisi gishinzwe umutekano muri California, Lt.Chris Ramirez yavuze ko ubwo abapolisi bahageraga ari bwo uwunganira Chris Brown mu by’amategeko nawe yahise ahagera gusa ngo nta kintu yigeze atangaza.

JPEG - 120.8 kb

Baylee Curran niwe wahamagaye Polisi avuga ko Chris Brown yamutunze imbunda

Chris Brown umaze gushinjwa ibyaha byo guhohotera abantu inshuro zirenze imwe, abapolisi bakihagera yanze gusohoka mu nzu ngo avugane n’abashinzwe umutekano. Si ibi gusa ngo mu masaha yabanje mbere y’uko abapolisi bahagera, uyu musore yatambukije ama videwo ku rukuta rwe rwa Instagram avuga ko arambiwe guhora ateshwa umutwe n’abapolisi mu rugo rwe. Muri ayo mashusho yagize ati “Buri nyuma y’amezi atatu muraza mufite ibyo mushaka njyewe ntazi, ibyo ni ibiki? Ubu noneho ni iki gikurikira? Iyo mpamagaye abapolisi mbamenyesha ko hari abarimo kumbuza umutekano ntabwo bazira igihe, ahubwo baza ku munsi ukurikiyeho.”

Igihe cyaje kugera ariko ahita atabwa muri yombi na Polisi nyuma y’amasaha agera kuri 11 rwabuze gica dore ko yari yanze gusohoka mu nzu ye y’akataraboneka ifite agaciro ka miliyoni enye z’amadolari, ni ukuvuga asaga 3.200.000.000 uyabaze mu mafaranga y’u Rwanda.

JPEG - 43 kb

Aha Chris Brown (wambaye ingofero itukura) yafotowe mu gicuku ubwo yari amaze kwemera gusohoka mu nzu ye

Chris Bwon ukunze kugaragaraho urugomo, yigeze nanone gufungwa mu mwaka wa 2009 azira ko yakubise umuhanzikazi Rihana bakundanaga icyo gihe. Icyo gihe yahanishijwe igihano cyo kuba afunzwe arebeshwa ijisho ndetse anahabwa imirimo nsimburagifungo y’amezi atandatu, ibi bihano yarabikoze arabirangiza abikorera muri Los Angeles.

KANDA HANO UREBE VIDEOS UTASANGA AHANDI