Clement yashimye bihambaye umugore we Knowless warangije Kaminuza

Chief Editor | 9-10-2016
Clement yashimye bihambaye umugore we Knowless warangije Kaminuza

Ishimwe Clement, umugabo w’umuhanzikazi Butera Knowless, yamushimiye cyane umuhate n’imbaraga yagize mu masomo ye, kuri iki cyumweru akaba yamuritse igitabo cye nk’ikimenyetso ko yashyize akadomo ku masomo ye y’icyiciro cya kabiri cya Kaminuza.

Butera Jeanne d’Arc, umuhanzikazi uzwi nka Knowless, kuri iki cyumweru nibwo yamuritse igitabo cye, nyuma y’imyaka 4 yiga ibijyanye n’imari muri Kaminuza yigenga ya Kigali izwi nka ULK. Butera Knowless yagiye kumurika iki gitabo, aherekejwe n’umugabo we Ishimwe Clement.

Abinyujije ku rubuga rwa Instagram, Clement yashimye cyane umugore we Butera Knowless, avuga ko nta wundi mugore arabona w’umunyamurava nka we. Yagaragaje ko yishimiye cyane kuba umufasha we ageze ku rwego rwo kubona impamyabumenyi y’icyiciro cya kabiri cya Kaminuza mu by’imari (Finance).

Butera Knowless warangije mu ishami ry’icungamutungo n’itumanaho (Gestion informatique) mu mashuri yisumbuye, yabanje kwiga muri Kaminuza yahoze yitwa RTUC, nyuma aza kwerekeza muri ULK ari naho arangije icyiciro cya kabiri cya Kaminuza.

KANDA HANO UREBE VIDEOS UTASANGA AHANDI