Cristiano Ronaldo mu bihe byiza n’umukunzi we mushya w’umunyamidelikazi - Amafoto

Chief Editor | 9-06-2016
Cristiano Ronaldo mu bihe byiza n’umukunzi we mushya w’umunyamidelikazi - Amafoto

Nyuma yo gufasha ikipe ye ya Real Madrid gutwara igikombe cya Champions League, Cristiano Ronaldo yatangiye kugaragara agirana ibihe byiza n’umunyamidelikazi wo muri Colombia, uyu bikaba ari nawe bigaragara ko ari umukunzi we mushya.

Cristiano Ronaldo witezweho byinshi mu mikino y’igikombe cy’u Burayi izatangira tariki 10 Kamena 2016, aherutse gufotorwa na Splash News arimo kwishimana n’uyu mukobwa mu kirwa cya Ibiza giherereye mu nyanja ya Mediterane.

Uyu mukobwa yitwa Paula Suarez, akaba ari umunyamidelikazi ukomoka mu gihugu cya Colombia cyo ku mugabane wa Amerika y’Amajyepfo, akaba ari we mukunzi mushya wa Cristiano.

Cristiano Ronaldo, ku myaka ye 31 y’amavuko aracyari ingaragu ariko yagiye akundana n’abakobwa benshi b’abanyamidelikazi. Uwaherukaga ni umurusiyakazi Irina Shayk batandukanye muri 2015.

Afite kandi umwana w’umuhungu yabyaye muri 2010 ahita anamwita Cristiano n’ubwo mu muryango bamuhimbye Cristianinho, gusa uyu mukinnyi yagerageje ibishoboka byose ahisha uwo bamubyaranye, n’ubwo ikizwi ari uko yavukiye muri Leta Zunze Ubumwe za Amerika.

KANDA HANO UREBE VIDEOS UTASANGA AHANDI