Diamond yerekanye ko ahagarariye Tanzania yose mu kwitwara neza mu buriri

Chief Editor | 28-09-2016
Diamond yerekanye ko ahagarariye Tanzania yose mu kwitwara neza mu buriri

Icyamamare Diamond, yagaragaje ko kuba yararongoye umugore w’umunyamahanga, bituma agomba gukora ibishoboka byose akitwara neza mu buriri kuko ahagarariye igihugu cye cyose. Ibi yabitangaje nyuma y’iminsi micye yishongoye cyane ku muherwe wahoze ari umugabo wa Zari.

Abinyujije ku rubuga rwa Instagram akurikirwaho n’abantu hafi miliyoni eshatu, Diamond Platnumz yashyize hanze ifoto ari kumwe n’umugore we Zari ndetse n’umukobwa wabo Latiffah, maze agerekaho amagambo yo kwerekana ko yitwara neza mu buriri kandi ko abikora nk’uhagarariye igihugu cyose.

Diamond ati: "Iyo ushatse umugore w’umunyamahanga, ugomba gukora ibishoboka byose ukizera ko uri kumwitwaraho neza mu buriri kuko uba uhagarariye igihugu cyose. Sinzi niba uyu (Zari) ngomba guhita mbyarana nawe umwana wa gatatu akimara kubyara uwo atwite ubu.

Diamond aherutse kwihenura bikomeye ku muherwe Ivan wabyaranye na Zari abana batatu b’abahungu, ibi akaba yarabikoze nyuma yo kugurira Zari inzu y’akataraboneka muri Afurika y’Epfo. Yamucyuriye kuba amurerera abana, undi akaba yirirwa amutuka.

Diamond ati: "Bahora biyemera ngo barakize mu gihe abana babo bakiba mu nzu y’inkodeshanyo, none umuntu bahora bibasira buri munsi bamutuka banavuga ngo ni umukene, yaguze inzu ngo abo bana babo babone ubuzima bwiza kurushaho, ubuzima ba Se birirwa barota ku mbuga nkoranyambaga"

Aha yavugaga abahungu batatu Zari yabyaranye n’umugabo we wa mbere, akaba atarabashakiye inzu yabo babamo kandi avuga ko ari umuherwe, mu gihe Diamond ubana n’aba bana bose hamwe na nyina yaguze inzu bazajya babamo muri Afurika y’Epfo.

KANDA HANO UREBE VIDEOS UTASANGA AHANDI