Hagiye kuba ibirori by’imbonekarimwe bizahuza ibyamamare nyarwanda n’abafana babo

Chief Editor | 20-05-2016
Hagiye kuba ibirori by’imbonekarimwe bizahuza ibyamamare nyarwanda n’abafana babo

Miss Sandra Teta na Miss Vanessa Uwase Raissa, bageze kure imyiteguro y’ibirori mbonekarimwe bizaba mu mpera z’iki cyumweru, bikazahuza ibyamamare nyarwanda mu ngeri zitandukanye n’abafana babo.

Abahanzi bakora muzika, abakinnyi ba filime, abakinnyi b’umupira w’amaguru, abanyamakuru n’abandi bantu bafite aho bahuriye n’imikino n’imyidagaduro, bazahurira muri ibi birori bishimane hagati yabo ariko nanone bazishimana n’abakunzi babo cyangwa abafana babo, basigarane urwibutso rwiza rw’ibihe byiza bazaba bagiranye.

Ibi birori kandi bizabamo n’umwanya wo guhemba bamwe mu bahanzi, abanyamakuru, abakinnyi ba filime n’abandi bitanga bagakora cyane mu bijyanye n’imyidagaduro, aba bakaba bazagenerwa ishimwe rizatangirwa muri ibyo birori.

Muri ibi birori kandi, abahanzi nka Knowless, Charly & Nina na Active bazasusurutsa abazabyitabira. Bizatangira saa kumi n’imwe z’umugoroba, kwinjira bikazaba ari amafaranga y’u Rwanda 5000. Aho bizabera hitwa Beirut i Kibagabaga.

KANDA HANO UREBE VIDEOS UTASANGA AHANDI