Hari abababajwe n’uko Rutikanga Ferdinand afunzwe kandi ari impanga ye basa cyane

Chief Editor | 20-07-2016
Hari abababajwe n’uko Rutikanga Ferdinand afunzwe kandi ari impanga ye basa cyane

Hari amakuru amaze iminsi avugwa n’abantu batandukanye, y’uko Rutikanga Ferdinand, umuteramakofe wamamaye mu Rwanda kubera ibibazo bidasanzwe akunda kubaza kuri Radio na televiziyo, yaba afungiwe muri gereza ya Kimironko, ndetse yarakatiwe. Nyamara ufunzwe si Rutikanga, ahubwo ni impanga ye basa cyane.

Hari bamwe mu bakozi ba gereza ya Kimironko, babwiye ikinyamakuru Ukwezi.com ko biboneye Rutikanga Ferdinand ari mu bagororwa bafungiwe muri iyi gereza, bagashimangira ko basanzwe bamuzi badashobora kumwibeshyaho.

Rutikanga Ferdinand ukunda kuvuga ibigwi afite by’uko ari we watangije umukino w’iteramakofe mu Rwanda

Uretse aba bakozi ba gereza, hari n’abandi bantu bashimangiye aya makuru bibwiraga ko ari ukuri nyamara gusa cyane kwa Rutikanga n’umuvandimwe we bavutse ari impanga nibyo byatumye babitiranya.

Uyu niwe Rutikanga Ferdinand, umwe mu bantu bakundwa n’abatari bacye kubera ukuntu asetsa

Mu kiganiro ikinyamakuru Ukwezi.com cyagiranye n’umuvugizi w’amagereza yo mu Rwanda, CIP Sengabo Hillary, yadutangarije ko n’umuyobozi wa gereza ya Kimironko yabonye uwo muntu akamubaza niba ari Rutikanga Ferdinand, undi akamusobanurira ko ari impanga ye. Kuba basa cyane, nibyo byatumye abo bose bamwibeshyaho.

Ubanza ni Rutikanga Ferdinand, undi uri iburyo niwe mpanga ye ariko barasa cyane

CIP Hillary Sengabo, avuga ko iyi mpanga ya Rutikanga Ferdinand iherutse gukatirwa igifungo cy’amezi ane, nyuma yo guhamwa n’icyaha cyo gukubita no gukomeretsa umuntu yasanze amwubakira mu bukata.

KANDA HANO UREBE VIDEOS UTASANGA AHANDI