AMAKURU

UKWEZI

Hari ibyishimo Miss Aurore akomeje kuvutswa no kubura musaza we rukumbi

Hari ibyishimo Miss Aurore akomeje kuvutswa no kubura musaza we rukumbi
28-05-2016 | By Chief Editor | Yasomwe n'abantu 9424 | Ibitekerezo 8

Miss Rwanda 2012, Mutesi Kayibanda Aurore, avuga ko iyo ageze mu gihe cy’ibyishimo ahita atekereza kuri musaza we umwe rukumbi umaze imyaka hafi ine atabarutse, akibaza uko byari kuba bimeze iyo aza kuba akiriho, kuva ubwo amarira akisuka.

Nk’uko yabitangaje abinyujije ku mbuga nkoranyambaga, Miss Mutesi Aurore avuga ko Hirwa Henry bakundaga kwita Wow, atari musaza we gusa ahubwo yari n’inshuti ye magara atazigera abona uwo yamugerenya nawe.

Miss Aurore ati: "Buri gihe uko naba merewe kose, nsubiza amaso inyuma ngatekereza uko ubuzima bwari kuba bumeze iyo mba nkiri kumwe nawe, amarira agahita areka mu maso. Buri gihe cyose iyo nishimye, hari amasegonda macye ntwarwa nkibaza uko nari kuba nishimye iyo mba ndimo gusangira ibyo bihe nawe, nkibaza inama zawe, urukundo rwawe, kundwanira ishyaka kwawe, kunyitaho n’ubugiraneza bwawe, bigatuma mbona neza uburyo natakaje umuntu w’agaciro gahambaye, uretse kuba wari musaza wanjye umwe rukumbi, ni nawe nshuti magara ntazongera kugira muri iyi si. Komeza kuruhukira mu mahoro, ndagukunda ubuziraherezo".

Hirwa Henry Wow waguye mu kiyaga cya Muhazi aho yari yasohokanye na bagenzi be, yatabarutse afite imyaka 27 gusa y’amavuko, akaba yari umwe mu basore batatu bari bagize itsinda rya KGB. Henry yavukiye i Bujumbura mu gihugu cy’u Burundi tariki 6 Kamena 1985, ku babyeyi be Kayibanda Ladislas na Mukazera Olive bamubyaranye n’abakobwa bane barimo na Miss Rwanda 2012; Mutesi Kayibanda Aurore, aba bakobwa bakaba ari nawe musaza wabo rukumbi bagiraga.

JPEG - 51.6 kb

Hirwa Henry yatabarutse tariki ya mbere Ukuboza 2012 ahagana mu masaha y’igicamunsi ubwo inkuru y’incamugongo yakwiraga mu banyarwanda ivuga ko Hirwa Henry benshi bitaga Henry Wow, umusore wari uzwiho ubuhanga, kwicisha bugufi, kuba umunyarwenya no kugira urugwiro, yaguye mu kiyaga cya Muhazi aho yari yagiye gutemberera n’inshuti ze.


Tanga Igitekerezo
Ibitekerezo 8
Kyomugisha Kuya 2-06-2016

Yoo, sorry dear bibaho arko ihangane.

mugisha marc Kuya 2-06-2016

ihangane muvandi kdi gukomera kwawe niko kuzatuma uvamoumuntu uhamye

mugisha marc Kuya 2-06-2016

ihangane muvandi kdi gukomera kwawe niko kuzatuma uvamoumuntu uhamye

Mukama Emmmanuel Kuya 30-05-2016

HENRY NTABWO DUTEZE KUMWIBAGIRWA NUKURI NARAMUKUNDAGA CYANE

TABARUKA Charles Kuya 29-05-2016

Sha pole sana , gusa kwihangana bitera kunesha benshi yaratubabaje , kandi twifatanyije nawe mukababaro!

nizeyimana erneste Kuya 29-05-2016

Sorry ntawabyumva cyereka ubizi njye navutse ndunwe 1994 ntamuryangonzi wanjye cg uwondererwamo sorry Imana izamwakire mubayo

Jolie Kuya 29-05-2016

yooo pole mama,sha nanjye byambayeho nabuze grand frere nakundaga kurusha byose ariko nanubu nta saha ishira ntamwibutse kandi hashize 2 ans .ntawabyumva keretse uwo byabayeho komera kandi Imana iramufite .

Anitha Uwumukiza Kuya 28-05-2016

Yoo,nujya ubitekereza mu gihe wishimye, ujye wibuka ko nta kiba Imana itakemeye, kandi Imana niyo nubundi yamuremye, Ubutwari bwawe nukubyakira ukumva ko byagombaga kubaho.

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA