Harose intambara y’amagambo no gutukana yagati ya Senderi n’abafana

Chief Editor | 31-08-2016
 Harose intambara y’amagambo no gutukana yagati ya Senderi n’abafana

Intambara y’amagambo no gutukana hagati ya Senderi International Hit n’abafana binyuze ku rubuga nkoranyambaga rwa Instagram, yarose bihereye ku ifoto y’imineke uyu muhanzi yari ashyize hanze bamwe bagasanga ibyo akora bidafututse.

Kuri uyu wa Kabiri tariki 30 Kanama 2016, Senderi International Hit yashyize ku rubuga rwa Instagram ifoto igaragaza igitoki cy’imineke, maze aza gusemburwa n’umwe mu bamukurikira agira ati: "Wa musaza we upositinga [ushyiraho] amafoto y’uburofa uyobewe ko uri umu star cyangwa ntabwo uzi icyo ubu star busobanura?"

Ibi byabaye nko gukoza agati mu ntozi maze Senderi aza kugaruka asubiza uyu mufana we mu magambo akarishye agira ati: "Nonese wa rwavumba we ubwo urashaka ko ngusubiza ngo umenyekane? Humura singushubije kandi sindi umu star. Hebebera ahandi jye undeke... Humura singusubiza haduyi we! Abagutumye ubabwire uti ntakivuga, nk’ubu ngushubije wamenyekana n’ubu kukuvugaho nguhaye agaciro twara ako uzibe"

Nyuma y’iterana amagambo, haje kuza abandi bakurikira Senderi International Hit ku rubuga rwa Instagram, bamwe bashyigikira uyu muhanzi bavuga ko afite uburenganzira bwo gushyiraho amafoto ashaka mu gihe hari n’abandi baje bunga mu ry’umufana wavuze ko Senderi ashyiraho amafoto y’ubucucu.

KANDA HANO UREBE VIDEOS UTASANGA AHANDI