Ibintu 5 byihariye ku bukwe bwa Knowless na Clement bari mu kwezi kwa buki - Amafoto

Chief Editor | 8-08-2016
Ibintu 5 byihariye ku bukwe bwa Knowless na Clement bari mu kwezi kwa buki - Amafoto

Ubukwe bw’umuhanzikazi Butera Knowless na Ishimwe Clement, bwabaye kuri iki Cyumweru tariki 7 Kanama 2016, nyuma y’uko indi mihango yo gusaba no gukwa yari yabaye ku Cyumweru gishize ndetse ninabwo basezeranye imbere y’amategeko. Ubu bukwe ariko bwagiye bugarukwaho cyane haba mu bitangazamakuru no ku mbuga nkoranyambaga, kubera ibintu bitandukanye byagaragaye nk’umwihariko ugereranyije n’ubundi bukwe busanzwe bumenyerewe mu Rwanda.

Muri iyi nkuru, turabagezaho ibintu 5 byihariye kuri ubu bukwe, bibutandukanya n’ubundi bukwe waba waratashye mu Rwanda bwaba ubw’ibyamamare, ubw’abayobozi biyubashye cyangwa se ibindi byamamare.

1. Bakoze ubukwe bamaze amezi gusa abiri batangaje ko bakundana

Butera Knowless na Ishimwe Clement, bari bamaze igihe bivugwa ko bakundana, nyamara buri wese wabivugaga byasaga n’aho avuga ibinyoma kuko buri umwe muri aba yivugiraga ko nta mukunzi afite, ndetse ko nta kindi kibahuza kitari akazi.

SOMA INKURU BIJYANYE: Knowless yamaze kwambikwa impeta na Clement bagiye gukora ubukwe (Amafoto)

Tariki 26 Gicurasi 2016, nibwo bwa mbere bemeye ko bakundana, ndetse kuva ubwo iby’ubukwe bwabo bihita bitangira kuvugwa ko ari mu minsi ya vuba, bidatinze koko barasezerana ubu baribanira.

2. Hakozwe urutonde rw’abari bemerewe kubwitabira, utariho agahezwa

Knowless na Clement bipangiye ubukwe bwabo mu buryo bwihariye, bari barateguye abazabutaha kandi ntibashakaga ababyivangamo, kuburyo bari baranagennye ubutumire ntarengwa hanategurwa urutonde rw’abagomba gutaha ubu bukwe. Uwagerageje kuvumba cyangwa kwihera ijisho ntibyamukundiye, kuko atigeze abona uko yakwinjira ahaberaga ibi birori.

Ntabwo wari gushaka ugutiza ubutumire ngo ube wabasha kubaca mu rihumye, babitekereje kare banategura urutonde kuburyo ubutumire gusa butari kuba buhagije ngo ubashe kwinjira.

3. Umutekano wari urinzwe bikomeye, bamwe banakubiswe n’abashinzwe umutekano

Mu gupanga ubu bukwe, Knowless na Clement banateguye abashinzwe umutekano bagombaga kubuza abashaka kwivanga mu bukwe batatumiwemo, kuvumba cyangwa kwihera ijisho. Hari abasore b’ibigango bacungaga ubutumire abo abatumiwe binjirira, ariko kandi nk’ahabereye imihango yo gusaba no gukwa, hari n’abandi basore bahawe akazi ko gucunga abashaga guca mu nzira z’ubusamo, aha ho abana bashatse kuhaca baranakubiswe, ndetse n’abagerageje kurira ibiti bahanuwe n’imijugujugu.

SOMA INKURU BIJYANYE: Knowless yasabwe anakobwa na Clement mu muhezo, hanze ho inkoni yarishaga - Amafoto

Nk’abageni b’ibyamamare, abantu benshi bifuzaga kureba ubukwe bwabo ndetse no kugera aho bwabereye, ariko hari abatashye ibyo bitaga ibyishimo bibabereye agahinda ko kubuzwa kureba bakanakubitwa n’abashinzwe umutekano.

4. Bapanze ubukwe bazi ko bazasezeranywa n’itorero ryabo, naryo rivuga ko ritabazi

JPEG - 58.2 kb

Knowless na Clement, bombi bakuze basengera mu Itorero ry’Abadivantisti b’umunsi wa Karindwi, ndetse ninaho bajyaga basengera. Ubwo bateguraga ubukwe, Karake Naphtal, umubyeyi wa Ishimwe Clement yegereye Pasiteri Ezra Mpyisi amusaba ko azasezeranya umuhungu we, undi nawe arabyemera ariko nyuma yo kumva bivugwa ko umukobwa yaba atwite, afata icyemezo cyo kumutuma ibyangombwa mu Itorero.

SOMA INKURU BIJYANYE: Knowless na Clement ntibagisezeranye imbere y’Imana mu itorero ry’Abadivantisiti

Mu Itorero ariko ntabyo yabonye, kuko Itorero ry’Abadivantisti b’umunsi wa karindwi i Nyamirambo ryatangarije ikinyamakuru Ukwezi.com ko aba bombi batanabazi mu Itorero ryabo, kandi bakaba barabajije bagasanga nta n’ahandi banditse. Byatumye aba bageni bahakanirwa ndetse Ezra Mpyisi arahira ko ibyo kubasezeranya yabivuyemo, igihe nyirizina kigeze basezeranywa n’undi mupasiteri witwa Rusine, indi myirondore ye n’Itorero rye kugeza n’ubu abantu babivuga kwinshi gutandukanye.

5. Kuvuga ko ubukwe bwabo atari ’Concert’ byavugishije benshi amangambure

JPEG - 114.1 kb

Mu bintu byibukirwaho ubukwe bwa Knowless na Clement, harimo amagambo yavuzwe na Knowless ubwo yari yatumiwe ku kigo cy’igihugu cy’itangazamakuru (RBA). Ibyo yavuze byashyizwe ku rubuga rwa facebook, bijyaho ubutumwa bwari bwiganjemo ibitutsi, abantu benshi bagaragaza ko bababajwe no kuba umuhanzikazi bakundaga kandi bashyigikiye kenshi mu muziki we, ababwira ko ubukwe bwe atari ’concert’.

SOMA INKURU BIJYANYE: Knowless yatutswe arandagazwa anategwa iminsi azira ibyo yavuze ku bukwe bwe

Knowless nyamara we, yagiye asobanura ko abantu bamwumvise nabi ndetse anashimangira ko abantu bose bazahabwa ikaze mu bukwe bwe, gusa siko byagenze kuko bwari ubukwe buri wese adashobora gutaha cyangwa ngo anarebe abageni mu buryo bworoshye.

Gusezerana imbere y’amategeko...

Ubukwe nyirizina nyuma yo gusezerana imbere y’Imana...

JPEG - 114.7 kb
JPEG - 100.6 kb
JPEG - 74.2 kb
JPEG - 113.7 kb
JPEG - 81.5 kb
JPEG - 100.8 kb
JPEG - 78.7 kb
JPEG - 134.1 kb
JPEG - 109.2 kb
JPEG - 128.5 kb
JPEG - 115.4 kb
JPEG - 91.4 kb
JPEG - 119.5 kb
JPEG - 130.7 kb
JPEG - 125.3 kb
JPEG - 95.4 kb
JPEG - 103.3 kb
JPEG - 71.7 kb

KANDA HANO UREBE VIDEOS UTASANGA AHANDI