Ibyo Koffi Olomide yakoze bikomeje kumukoraho, yongeye gufungirwa iwabo

Paola Abizera | 26-07-2016
Ibyo Koffi Olomide yakoze bikomeje kumukoraho, yongeye gufungirwa iwabo

Umuririmbyi w’icyamamare mu njyana ya Rumba ukomoka muri Repubulika Iharanira Demokarasi ya Kongo, yongeye gutabwa muri yombi mu gihugu cye azira ibyo yakoreye munmujyi wa Nairobi muri Kenya, aho yari yafungiwe mu minsi ishize azira guhohotera umwe mu babyinnyi be.

Mu gitondo cyo kuri uyu wa Kabiri tariki 26 Nyakanga 2016, nibwo Koffi Olomide yatawe muri yombi i Kinshasa mu murwa mukuru w’igihugu cye, nyuma y’uko yari yashyiriweho impapuro zo kumuta muri yombi ku itegeko ry’umushinjacyaha mukuru.

Kuwa Gatanu tariki 22 Nyakanga 2016, nibwo Koffi Olomide yari yageze muri Kenya aho yari anafite igitaramo gikomeye kuwa Gatandatu, akaba yari kumwe n’itsinda ry’abantu 6 bagombaga kuzamufasha. Ageze ku kibuga cy’indege mpuzamahanga cya Jomo Kenyatta, yakiriwe n’imbaga y’abakunzi be baranamwishimira ariko yaje kuhakorera igikorwa gikomeje kumugeza kure cyane.

Icyo gikorwa si ikindi, ni urugomo yakoreye umwe mu babyinnyi be akamukubita imigeri cyane, aho bivugwa ko yamuzizaga kutumvikana n’umwe mu bagize itsinda rimufasha kuririmba yagize inshoreke ye witwa Cindy. N’ubwo Koffi Olomide afite umugore n’abana 7 babyaranye, uwo Cindy ni ihabara rye kuva muri 2012, ndetse mu itsinda ry’ababyinnyi n’abaririmbyi akaba adakorwaho. Ubwo uyu muhanzi yakubitaga umubyinnyi we, Polisi yahise ihagera ibasha kubihosha.

Ntibyarangiriye aho ariko kuko yaje gufungirwa muri iki gihugu n’igitaramo cye kirasubikwa, ahita ataha iwabo none naho byakomeje kumukurikirana, ndetse biteganyijwe ko agomba kugera imbere y’ubutabera vuba bidatinze.

KANDA HANO UREBE VIDEOS UTASANGA AHANDI