Indirimbo ’Ntacyo nzaba’ ya Adrien na Meddy yanditse amateka

Chief Editor | 27-08-2016
Indirimbo ’Ntacyo nzaba’ ya Adrien na Meddy yanditse amateka

Indirimbo "Ntacyo nzaba" y’umuhanzi Adrien afatanyije na Meddy bombi baba muri Leta Zunze Ubumwe za Amerika, yaciye agahigo ko kuba ari yo ndirimbo ihimbaza Imana y’umunyarwanda kandi iri mu Kinyarwanda yabashije kurebwa n’abantu benshi mu gihe gito.

Ku rubuga rwa Youtube, indirimbo "Ntacyo nzaba imaze kurebwa n’abarenga miliyoni, mu gihe imaze umwaka umwe n’amezi atatu isohotse mu buryo bw’amashusho. Nta yindi ndirimbo y’umuhanzi nyarwanda mu zihimbaza Imana iri no mu rurimi rw’Ikinyarwanda, yigeze yuzuza uyu mubare mu gihe kingana gutya.

Icyakoze indirimbo ’Mtegemee Yesu’ ya Korali Ambassadors of Christ niyo y’Abanyarwanda imaze kurebwa na benshi kurusha izindi muri rusange no mu zihimbaza Imana by’umwihariko, kuko imaze kurebwa n’abarenga 1,467,800 ariko ntabwo iri mu Kinyarwanda kandi imaze igihe kirenga imyaka 4.

Muri rusange, bigaragara ko muzika nyarwanda igenda irushaho gutera imbere, kuko mu myaka ishize byari nk’inzozi kubona indirimbo y’abanyarwanda iri no mu rurimi rw’Ikinyarwanda irebwa n’abantu bagera kuri 1.000.000, by’akarusho bikaba byatangiye no kugera ku ndirimbo zihimbaza Imana.

REBA HANO INDIRIMBO "NTACYO NZABA":

KANDA HANO UREBE VIDEOS UTASANGA AHANDI