Isheja Sandrine yasezeranye, arasabwa anakobwa na Kagame Peter - Amafoto

Chief Editor | 15-07-2016
Isheja Sandrine yasezeranye, arasabwa anakobwa na Kagame Peter - Amafoto

Kuri uyu wa Gatanu tariki 15 Nyakanga 2016, umunyamakuru Isheja Butera Sandrine yasezeranye imbere y’amategeko na Kagame Peter bari bamaze igihe kirekire bakundana, iyi mihango yabaye mu gitondo ikaba yakurikiwe no gusaba no gukwa byabaye mu masaha y’umugoroba.

Mu masaha ya mugitondo, nibwo Isheja Sandrine na Kagame Peter basezeraniye mu biro by’umurenge wa Remera mu mujyi wa Kigali, basinyira kuzabana akaramata nk’uko amategeko ya Repubulika y’u Rwanda abiteganya.

JPEG - 117 kb
JPEG - 121.8 kb

Isheja Sandrine na Kagame Peter barahiriye kuzasangira ibyiza n’ibibi

Nyuma yo kubihamya mu mategeko, Kagame Peter yasabye anakwa Isheja Sandrine mu birori binogeye ijisho byabereye ku Kicukiro mu mujyi wa Kigali, aho imisango ya kinyarwanda yanyuze cyane abari bitabiriye ubu bukwe.

Itorero Inganzo Ngari ryasusurukije abitabiriye ubu bukwe

Umunyamakuru Antoinette ukorana na Isheja Sandrine nawe yatashye ubu bukwe, bigaragara ko akuriwe.

Antoinette n’umugabo we, aha barakirwa n’umunyamakuru Cyuzuzo Jeanne d’Arc wari mu bakira abashyitsi

Aba ni abakobwa bari bagaragiye Sandrine ashyikirizwa umukunzi we Peter Kagame

Byari ibyishimo kuri Kagame Peter ubwo yashyikirizwaga Isheja Sandrine

Umuryango wa Isheja Sandrine wari wamaze kwemera gutanga umugeni

Isheja Sandrine na Kagame Peter bafatanyije guha impano ababyeyi ku mpande zombi

Isheja Sandrine na Kagame Peter bageze mu byicaro byaro, ibyishimo n’akanyamuneza byari byose

Abageni basangiye, bagaragariza ibyishimo n’akanyamuneza inshuti n’abavandimwe

Nyuma yo gusezerana mu mategeko byakurikiwe no gusaba no gukwa, kuri uyu wa Gatandatu nibwo Isheja Sandrine azambikana impeta na Kagame Peter, bagasezerana imbere y’Imana ubundi bagahita bibabira nk’umugabo n’umugore.

Isheja Sandrine, ni umunyamakuru kuri Kiss FM ariko yagiye akorera izindi radiyo zinyuranye, zirimo Radio Salus yahereyeho, Radio Isango Star na Radio K FM yakozeho mbere yo kwerekeza kuri Kiss FM.

KANDA HANO UREBE VIDEOS UTASANGA AHANDI