Justin Bieber yafashe icyemezo gikomeye kubera amagambo ya Selena Gomez bakundanaga

Chief Editor | 16-08-2016
Justin Bieber yafashe icyemezo gikomeye kubera amagambo ya Selena Gomez bakundanaga

Umuririmbyi w’icyamamare, Justin Bierber, yafashe icyemezo gikomeye cyo gufunga konti ye (account) y’urubuga nkoranyambaga rwa Instagram, nyuma y’iterana ry’amagambo hagati ye n’uwahoze ari umukunzi we Selena Gomez.

Mu mpera z’icyumweru gishize, nibwo binyuze ku rubuga rwa Instagram, abafana ba Justin Bieber batangiye kutavuga rumwe ku makuru y’umukunzi mushya w’uyu muhanzi, uwo akaba ari Sofia Richie, umukobwa w’umuhanzi Lionel Richie, biturutse ahanini ku ifoto Justin Bieber yashyizeho bari kumwe.

Justin Bieber yagaragaje ko yababajwe n’amagambo y’abafana be bagayaga uyu mukunzi we, ndetse ashaka no kubuza bamwe kutazajya babasha kubona ibyo yanditse, maze Selena Gomez aza kumubwira amagambo yabaye nk’amukorogoshora, kuva ubwo intambara y’amagambo irarota

Selena Gomez ati: "Niba utazi kumenya uko utwara urwango rw’abafana bawe, hagarika gushyiraho amafoto y’umukunzi wawe. Ibyawe nawe ubwo byagakwiye kuba hagati yanyu mwembi gusa, wirakazwa n’abafana bawe, baragukunda."

Justin Bieber wakorogoshowe n’aya magambo, nawe yanze kuripfana maze ashaka nawe gucyurira uyu mukobwa bahoze bakundana. Yagize ati: "Birasekeje kubona umuntu waguhemukiye akomeza kugukurikirana bigeze aha. Birababaje."

Selena Gomez nawe yakomeje kubwira Justin Bieber amagambo amukorogoshora, aboneraho kumucyurira iby’ubushurashuzi bwe. Ati: "Birasekeje kubona umuntu wahoraga mu bushurashuzi aca inyuma umukunzi we, ari we wibasira uwo yacaga inyuma kenshi akamubabarira akanamushyigikira. Birababaje."

Nyuma y’uku guterana amagambo, igihe cyaje kugera Justin Bieber biramurenga afata icyemezo cyo gufunga konti ye ya Instagram yakurikirwagaho n’abantu basaga 77.800.000

KANDA HANO UREBE VIDEOS UTASANGA AHANDI