konka coffee
KONKA

AMAKURU

UKWEZI

Kidum yakoze amateka i Bujumbura, asaba ko u Rwanda n’u Burundi byakwiyunga - Amafoto

Kidum yakoze amateka i Bujumbura, asaba ko u Rwanda n’u Burundi byakwiyunga - Amafoto
4-09-2016 saa 08:02' | By Chief Editor | Yasomwe n'abantu 9128 | Ibitekerezo 4

Umuhanzi w’Umurundi, Nimbona Jean Pierre wamamaye ku izina rya Kidum Kibido, yakoze igitaramo cy’amateka mu mujyi wa Bujumbura kuri uyu wa Gatandatu, nyuma yacyo mu buryo bw’amarenga asaba ko u Rwanda n’u Burundi byakwiyunga bikongera kuba ibihugu by’inshuti kurusha n’uko byahoze mbere.

Kidum ukunze kuba mu bihugu byo muri aka karere nka Kenya n’u Rwanda, yasubiye mu gihugu cye cy’amavuko kuwa Kane tariki 1 Nzeri 2016, nyuma y’iminsi ibiri ahita akora igitaramo cy’amateka mu mujyi wa Bujumbura kitabiriwe n’ibihumbi byinshi by’abarundi, barimo n’abayobozi bakuru b’iki gihugu ndetse n’abandi banyacyubahiro benshi.

Abantu benshi cyane bitabiriye igitaramo cya Kidum

Nyuma y’igitaramo, Kidum yatangaje ko amarira y’ibyishimo yamwuzuye mu maso, ariko aboneraho kuvuga ko afite inzozi n’ibyifuzo byo kongera kubona u Rwanda n’u Burundi bibanye neza cyane ndetse bikaba byanarusha uko byahoze mbere.

Kidum ati: "Byari byiza cyane mu by’ukuri, kandi amarira yuzuye mu maso yanjye ubwo naririmbiraga iyi mbaga y’abantu batagira uko basa. Inzozi zanjye ubu ni ukongera kubona u Rwanda n’u Burundi bihinduka abaturanyi beza, inshuti, buzuzanya mu mibanire n’ubukungu kandi bagahinduka umuryango mugari umwe kurusha uko byahoze mbere. Izo ni inzozi zanjye zikaba n’ibyifuzo byanjye. Amahoro narambe mu muryango wacu wa Afurika y’Uburasirazuba."

Nk’umuhanzi ukunzwe kandi wubashywe mu bihugu byombi, ubu ni ubutumwa bw’agaciro Kidum yatanze, nyuma y’igitaramo cyari kirimo na Willy Nyamitwe, umujyanama ushinzwe itangazamakuru n’itumanaho mu biro bya Perezida Pierre Nkurunziza.

Igitaramo cya Kidum cyari kitabiriwe n’abanyacyubahiro benshi

Willy Nyamitwe (wambaye ingofero y’umukara) ni umwe mu bacinye akadiho muri iki gitaramo

Cyari igitaramo cy’amateka cyari cyahuruje imbaga, cyateguwe ku bufatanye na ambasade ya Kenya mu Burundi


Tanga Igitekerezo
Ibitekerezo 4
Mutama Kuya 5-09-2016

Erega nubundi abarundi nabanyarwanda ntacyo bapfa, abanyapolitike nibashyiremo ingufu amakosa yabaye arangizwe umubano usagambe

fehu Kuya 4-09-2016

Ubu mu kindi kinyamakuru cyo kirandika ko I Burundi bicika. ibya politiki ni hatari. ngirango buri musomyi wese akwiye kwisesengurira.

umukizwa Kuya 4-09-2016

Yampayinka!!! Simbona mu burundi bimeze neza se!!! Na Albert asigaye yitabira ibitaramo bya kidumu!!! Uburokore yashyize hasi

simple Kuya 4-09-2016

Simbona muburundi ibintu ari uburyohe c! Ahubwo impunzi nizitahe.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA