King James yamaze gusezera mu bahatanira ibihembo bya Salax Awards

Chief Editor | 11-08-2016
King James yamaze gusezera mu bahatanira ibihembo bya Salax Awards

Nyuma y’uko abantu batandukanye bakomeje kunenga imitegurire y’ibihembo bya Salax Awards 7, umuhanzi King James we yamaze gufata icyemezo cyo kuva mu bahatanira ibi bihembo ndetse yamaze no kwandika ibaruwa ibishimangira ku mugaragaro.

Mu ibaruwa King James yagejeje kuri Ikirezi Group bategura amarushanwa y’ibihembo bya Salax Awards avuga ko kubera impamvu ze bwite n’iz’abareberera inyungu ze muri muzika, asezeye mu bahatanira ibihembo bya Salax Awards.

King James avuga ko muri uyu mwaka wa 2016 afite izindi gahunda nyinshi zituma atabasha kwitabira Salax Awards, bityo akaba yasanze ibyiza ari ugusezera.

King James yari mu byiciro by’umuhanzi w’umwaka mu b’igitsina gabo (Best Male Artist) aho yahatanaga na Bruce Melody, Christopher, Dany Vumbi na Urban Boys, akongera akaba mu cyiciro cy’umuhanzi mwiza mu njyana ya RNB (Best RnB Artist) aho yahatanaga na Bruce Melody, Christopher, Peace Jolis na Knowless.

Uyu muhanzi kandi, yari no mu nabite indirimbo zihatanira igihembo cy’indirimbo y’umwaka (Sonf of the Year), ahari harimo Indoro, Naramukundaga, Ni danger, Teamo na Till I die.

KANDA HANO UREBE VIDEOS UTASANGA AHANDI