Kwigamba ubusambanyi kwa Miss Vanessa, bigiye gutuma we na Miss Sandra Teta birukanwa

Chief Editor | 1-07-2016
Kwigamba ubusambanyi kwa Miss Vanessa, bigiye gutuma we na Miss Sandra Teta birukanwa

Abakobwa b’inshuti magara, Miss Sandra Teta na Miss Uwase Vanessa Raissa bamaze iminsi batandukanye n’abasore bo mu itsinda rya Active bakundanaga, bagiye kwirukanwa kuri TV10 aho bakoraga ikiganiro, bitewe n’icyasha cy’inkuru bavuzweho zirimo kuba Miss Vanessa yarigambye mu ruhame ko yasambanye na Olvis wo muri Active.

Guhera ku Cyumweru tariki 27 Werurwe 2016, hatangiye ikiganiro cyitwa "Rwandaful" cyari kimaze amezi atatu gikorwa na Miss Sandra Teta ndetse na Miss Uwase Vanessa Raissa. Ni ikiganiro cyacaga kuri TV 10 buri cyumweru guhera ku isaha ya saa mbiri z’ijoro, kigatambuka mu rurimi rw’icyongereza, kivuga ku byiza by’u Rwanda.

JPEG - 263.3 kb

Miss Vanessa na Miss Sandra Teta, bafatanya ibikorwa byinshi

Amakuru yizewe agera ku kinyamakuru Ukwezi.com, ashimangira ko ubuyobozi bwa TV 10 bwicaye kuri uyu wa Kane bukaganira kuri aba bakobwa, bugasanga barambaye icyasha gishobora gutesha agaciro iyi televiziyo mu gihe bakomeza gutambutsa iki kiganiro, bityo bakanzura ko babirukana iki kiganiro kigahagarara.

Mu kiganiro ikinyamakuru Ukwezi.com cyagiranye na David Bayingana, umwe mu bayobozi ba TV 10, yatwemereye ko ari byo koko aba bakobwa bizweho n’ubuyobozi bugasanga ikiganiro cyabo gikwiye gihagarara bitewe n’imyitwarire bavuzweho ishobora guhesha isura mbi televiziyo.

JPEG - 172.3 kb

David Bayingana, umuyobozi wungirije wa TV 10

David Bayingana, avuga ko nyuma yo kuganira nk’abayobozi ba TV 10, bagomba no kwicarana n’aba bakobwa bakaganira, gusa hari amakuru avuga ko ibi bizaba ari mu rwego rwo kubamenyesha no kubasobanurira impamvu bahagaritswe kuko icyemezo cyamaze gufatwa.

Mu minsi ishize, Miss Vanessa yemeye mu itangazamakuru ko yaryamanye na Olvis wo mu itsinda rya Active bahoze bakundana, ariko ko anashimangira ko yumva ataciye inka amabere kuba yararyamanye n’umusore bakundanaga.

JPEG - 198.4 kb

Aha ni mu ifatwa ry’amashusho y’ikiganiro kimaze amezi atatu gikorwana Miss Vanessa na Miss Sandra Teta

Yagize ati: "Kuri njyewe numva ko umuntu wese byamubaho. Ntabwo ari ukuvuga ngo ni njye mukobwa wenyine mu Rwanda wambariye ukuri umuntu akunda... Ibyo ari byo byose si njye njyenyine wabikoze mu Rwanda cyane ko si umuhungu uhise wese, yari umusore w’inshuti yanjye dukundana... Ubigaya wese ni uko wenda ashobora kuba ari isugi cyangwa se ategereje kuzakora ubukwe kugirango nawe yambarire ukuri uwo akunda. Gusa simvuze ko ibyo ngibyo ari ibintu byiza cyangwa se abantu bagakoze, gusa nanone ntabwo ntekereza ko naba naraciye inka amabere kuburyo abantu babigaya ngo bancireho iteka.”

KANDA HANO UREBE VIDEOS UTASANGA AHANDI