konka coffee
KONKA

AMAKURU

UKWEZI

MC Monday afite inkovu yatewe no kuba Perezida yaranenze indirimbo ye ’Inyoni yaridunze’

MC Monday afite inkovu yatewe no kuba Perezida yaranenze indirimbo ye ’Inyoni yaridunze’
15-06-2016 saa 11:56' | By Chief Editor | Yasomwe n'abantu 10455 | Ibitekerezo 12

Saga Assou Gashumba wamenyekanye cyane mu myaka yashize nk’umuhanzi n’umunyamakuru wakoreshaga izina rya MC Monday, yongeye kugaruka ku bihe bibi yahuye nabyo mu muziki we, nyuma y’uko Perezida Paul Kagame yanenze indirimbo ye yitwa "Inyoni" bamwe bakundaga kwita "Inyoni yaridunze"

Mu myaka yashize, ubwo yari mu kiganiro n’abanyamakuru, Perezida Kagame yabajijwe ibya muzika nyarwanda, aza kuvuga ko abahanzi nyarwanda bakiri hasi, maze atanga urugero rw’indirimbo yari igezweho icyo gihe yitwaga "Inyoni" ya MC Monday, kuva ubwo uyu muhanzi avuga ko byatumye muzika ye ihita idindira cyane, n’ubu akaba yongeye kugaragaza ko bikimushengura umutima, asangiza inshuti ze ku mbuga nkoranyambaga, icyifuzo yigeze kugira cyo guhura na Perezida Kagame akamubwira ibyamubayeho.

Iby’uru rwibutso rwa MC Monday bimaze imyaka ine, ni ibya tariki 15 Kamena 2012, ubwo yatangazaga amagambo agaragaza agahinda ke, icyo gihe akaba yaragize ati: "Uwampuza na Muzehe wacu namubwira ko yanteje abantu! Ibyo yatekerezaga ko ari ibintu bisanzwe byagize ingaruka ku buhanzi bwanjye."

Nyuma y’umwaka umwe, MC Monday yongeye kugaruka ku by’iyi ndirimbo ye, icyo gihe bwo akaba yaragize ati: "Nyuma y’uko Nyakubahwa Perezida Paul Kagame atanze urugero mu kiganiro n’abanyamakuru ku ndirimbo naririmbiye abana yitwa INYONI, abari babifitemo inyungu bakora ku maradiyo bahise bahagarika gucuranga indirimbo zanjye zose, ukibaza niba hari itegeko Nyakubahwa yatanze ryo kuzihagarika! Nari umu MC wahamagarwaga kenshi muma events atandukanye, sinongeye gutumirwa kuyobora ibitaramo cyangwa izindi events. ibi byatumye ubuhanzi bwanjye busubira inyuma kuburyo bugaragara, kuva ubwo nabaye iciro ry’umugani, yewe babigiramo n’urwenya. Igikomeye muri ibyo ni uko n’izindi ndirimbo nziza nagiye nkora zitigeze zihabwa agaciro nyuma y’icyo gihe."

Kuri uyu wa Gatatu, MC Monday bwo yagaragaje ko abona kuba Perezida Kagame yaranenze indirimbo ye bitari kuba ikibazo kuko anayiririmba yari igenewe abana. Aha yagize ati: "Iyo bavuga ko yanenze ntabwo yari imugenewe, ahubwo byari kuba ikibazo iyo ayishima kandi atari we yari igenewe. Kuri njye mbona nta mpamvu yo kuvuguruza igihangano cyane cyane ko atari kimwe nakoze, ikibazo kiri ku myumvire ndetse n’ubugome bwihishe mu mitima y’abanyarwanda. Iterambere rya bamwe rishengura imitima y’abandi bagahora bakubita agatoki ku kandi bagambirira kumusubiza inyuma, iyo bagize amahirwe babigeraho bitakunda bigahora bibashengura. Muri macye iyi ni isi nta kiyibamo kidafite impamvu! Isomo ku bandi, isomo kuwo bireba cyangwa imigisha mu gihe kizaza."


Tanga Igitekerezo
Ibitekerezo 12
ndayambaje vedaste Kuya 17-09-2016

uwo muhanganye uramuzi ubwo washatse kuvugiki witonde wakwambara namasahawe

Urwanda Kuya 21-06-2016

Usibye no ku kunenga iyo bagukubita,ubwo wari wabuze ibindi wahanga bifite message yafasha urubyiruko?? H.E yarakoze rwoseeeee

aibos Kuya 20-06-2016

ihangane muvandi. usibye ko washoboraga no kubibyaza umusaruro mu bundi buryo. uribuka film la vie est belleya papa wemba?, harimo umuntu wavukanye ubumuga bwo kuba mugufi cyane. ariko yabibyajije inyungu mu gukina filim. kimwe na babana bo muri nigeria. washoboraga guhita nawe wibanda ku ndirimbo z abana gusa par example.

Adolphe Kuya 19-06-2016

Mwese ibyo muvuga byuzuyemo ubuswa ndenga kamere????? Avuga ko guhera ubwo(yanengwa) yagenzweho nabantu benshi kdi batandukanye kdi bamufasha muri job cg ibiraka agenda abona, atangira kubura promotion, ntiyaragihamagarwa ngo abe Mc............

-xxxx- Kuya 19-06-2016

ikibazo afite sumo bamunenze,ahubwo afite ikibazo cyuko nizindi ndirimbo zifite ubutumwa bahise bahagarika kuzicuranga.kdi ibitaramo yatumirwagamo Nabyo ntibabe bakimutumira.urumvako yahise abonako nizindi azahimba batazongera kuzicuranga.icyo mbona twakagombye gutekerezako burya mubintu umuntu yakoze habomo ibizima nibyapfuye,arko ntitugahite dufata byose nkibidafite agaciro.

Alphonse Kuya 18-06-2016

Please, Wishaka guhura na Nyakubahwa president wacu ahubwo hindura ubutumwa buri mu bihangano, keretse niba udakunda kunengwa kubitagenda neza wakoze ngo bikosorwe ikindi kandi ntuzongere kuvuga ngo igenewe abana siwe igenewe, abo bana ni abande? Umubyeyi wacu twese nawe urimo ni umwe ariwe Nyakubahwa Paul Kagame, andi magambo wakongeraho yose haba hatarimo ubushishozi muvandimwe! Twese mubyo dukora hari icyo anenzemo twakwihutira gukosora vuba kuko nawe aba ashaka ko dutera imbere ariko binyuze mubikorwa byiza. Ubutumwa bwanjye ni ubwo.

keys alicia Kuya 18-06-2016

wa muswa we iyo umuntu amenyekanye akagera no ku rwego rwigihugu aba yemewe,wowe wari guhindura amagambo yararimo ataduhesheje agaciro nkumuntu wumuhanzi ugahimba andimeza arimo inyigisho,komeza ube ikigwari ko yakunenze se yakubujije guhanga cyane cyane ko warumenye nibyo yakunengeye ugirimana abona umuhana,gusa abo nabo bagomba kujya bacishaho izindi wahimbye zifite inyigisho

Fabien Kuya 17-06-2016

Wamunebwewe, iyo bakuvuze baba baguteye kugwa ? uziko umuhanga yari kuba aboneyeho gukora cyane akandika amateka? none c ko u Rwanda twashegeshwe na intambara ntitwiyubatse? kdi ubu turi intangarugero muri Africa ndetse no kwisi hose. kora gabanya amagambo.

Salsa Kuya 16-06-2016

Hoya reka inzitwazimoo zidafite 12 kuko iyo ntandirimbo irimo.
ahubwo se warasaze? uri indaya gusa.

Joyeuse Kuya 16-06-2016

ariko Se President niwe wamubujije guhanga Se ahubwo yavuze ko yari ananiwe,nubuhanzi bwe bwari bunaniwe basi,ninde se utarabyibazaga ngo iyo nyine,usibye abana baryaga umuzik umuntu mukuru yumvaga ko ari amafuti,naho President ntiyamubujije guhanga

uwondiwe Kuya 15-06-2016

Uyu muhanzi nabireke ntabyo ashoboye. ubutumwa bwari mundirimboye se nubuhe? njye mbona ikwirakwiza ubusambanyi ahubwo...

Nukuvuga; services yishyurwa gusambana

Binego issa Kuya 15-06-2016

Ihangane kandi wicika indege kuko wagize imana Umukuru wigihugu kukumenya nunva arishema ahubwo nunva byari kugutera akanyabugabo kubaka izina biragoye wararyubatse ngaho duhe ingufu byaguteye

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA