MU MAFOTO: Urban Boys ni bo begukanye igikombe cya Primus Guma Guma Super Star 6

Chief Editor | 13-08-2016
MU MAFOTO: Urban Boys ni bo begukanye igikombe cya Primus Guma Guma Super Star 6

Kuri uyu wa Gatandatu tariki 13 Kanama 2016, nibwo hasojwe amarushanwa ya Primus Guma Guma Super Star 6, amarushanwa abahanzi benshi bari babukereye bashaka kuyegukana. Ni amarushanwa yabereye kuri Sitade Amahoro i Remera, mu gice gisanzwe kizwi nka Pariking.

UKO ABAHANZI BAKURIKIRANYE KURIRIMBA:

* Umuhanzi Bruce Melodie niwe wabimburiye abandi ku rubyiniro mu ndirimbo ze zikunzwe nka Ndakwanga, Ndumiwe n’izindi. Uyu ni umwe mu bahanzi bahabwaga amahirwe kuva irushanwa ryatangira.

* Umuhanzi Christopher niwe wakurikiyeho mu ndirimbo z’urukundo zitandukanye zikundwa n’abatari bacye. Uyu nawe ari mu bahabwaga amahirwe kuva cyera.

* Jules Sentore, mu ndirimbo nka Kora akazi n’izindi ziri mu njyana gakondo, niwe wageze ku rubyiniro ari uwa gatatu.

* Umuhanzi Danny Nonose, mu njyana ya Hip Hop, yashimishije abakunzi ba muzika mu ndirimbo nka Njye Ndarapa n’izindi z’urukundo ziri muri iyi njyana.

* Danny Vumbi, mu ndirimbo nka Ni Uwacu na Ni Danger nawe yashimishije abakunzi b’ibihangano bye. Uyu nawe ni umwe mu bahanzi bahabwaga amahirwe yo kwitwara neza kuva irushanwa ryatangira.

* Umuraperikazi Young Grace, mu ndirimbo nka Ataha he n’izindi ziri mu njyana ya Hip Hop niwe wakurikiyeho ku rubyiniro, ashimisha abakunzi b’iyi njyana.

* Itsinda rya TBB niryo ryakurikiyeho mu ndirimbo nka Vuzingoma n’izindi bakunda kuvuga intero igira iti TBB ni danger. Aba nabo bashimishije abakunzi ba muzika yabo.

* Umutare Gaby; umwe mu bahanzi bazwiho guhogoza cyane, niwe wakurikiyeho mu ndirimbo nka Ayo bavuga n’izindi ze zikunzwe ziri mu njyana ya RnB.

* Itsinda rya Urban Boys, bamwe mu bahanzi bahabwaga amahirwe kuva cyera, nibo bakurikiyeho bashimisha abakunzi babo, babizeza ko bagiye kwegukana igikombe.

* Umuhanzikazi Allioni niwe waherutse abandi mu gususurutsa abakunzi ba muzika, uwo mukobwa akaba ari umwe mu bahanzi bagize bagerageza gushyira imbaraga mu bitaramo byose cyane ko atari asanzwe azwi cyane.

DORE UKO ABAHANZI BARUSHANYIJWE MU MYANYA:

Umwanya wa 10: Umutare Gaby

Umwanya wa 9: TBB

Umwanya wa 8: Danny Nanone

Umwanya wa 7: Jules Sentore

Umwanya wa 6: Allioni

Umwanya wa 5: Young Grace

Umwanya wa 4: Danny Vumbi

Umwanya wa 3: Bruce Melodie

Umwanya wa 2: Christopher

Umwanya wa 1: Urban Boys

REBA HANO VIDEO URBAN BOYS BISHIMIRA IGIKOMBE:

Muri aba ni inde ubona warenganye? Ninde babereye?

KANDA HANO UREBE VIDEOS UTASANGA AHANDI