Miss Balbine wagiye kuminuza muri Canada arembejwe no kuba kure y’umusore yihebeye

Chief Editor | 22-08-2016
Miss Balbine wagiye kuminuza muri Canada arembejwe no kuba kure y’umusore yihebeye

Muri iki cyumweru dusoje, nibwo Miss Mutoni Balbine yagiye mu gihugu cya Canada gukomerezayo amasomo ye ya Kaminuza, akigerayo akaba yagaragaje uburyo akomerewe n’amatage yatumye agiye kumara igihe kirekire ari kure y’uwo akunda.

JPEG - 117.9 kb

Uyu mukobwa wambitswe ikamba rya Miss HighSchool 2014 akaba n’igisonga cya kane cya Miss Rwanda 2015 ndetse akaba yaranabaye umunyamakuru kuri Radio 10 na TV10, amaze igihe akundana n’umusore witwa Kwitonda Arsene badasiba kwereka rubanda ko buri umwe yibeyehe undi, bakoresheje amagambo y’imitoma banyuza ku mbuga nkoranyambaga.

JPEG - 111.1 kb

Nyuma yo kugera muri Canada aho yagiye gukomereza amasomo ye, Miss Balbine kuri uyu wa mbere yanditse ku rubuga rwa Instagram amagambo agira ati: "Sinzi uko ibi nabivuga ariko ndagukumbuye. Wampaye imyaka itatu ihebuje kurusha iyindi kandi sinabona uko ngushimira, gusa nizeye ko nagushimishije nk’uko nawe wabinkoreye. Ariko nk’uko hari indirimbo ibivuga, aho nzaba ndi nawe uzaba uhari, ntuzigera uba wenyine. Ndagukunda Arsene."

Miss Balbine amaze imyaka itatu akundana na Kwitonda Arsene, uyu musore akaba yaranagiye agaragara amushyigikiye cyane mu marushanwa y’ubwiza yose yagiye yitabira, arimo irya Miss High School 2014, irya Miss Rwanda 2015 n’irya Miss Rwanda 2016.

Miss Balbine na Kwitonda Arsene bamaze imyaka itatu mu buryohe bw’urukundo

KANDA HANO UREBE VIDEOS UTASANGA AHANDI