konka coffee
KONKA

AMAKURU

UKWEZI

Miss Jolly yakiriwe na Guverineri Bosenibamwe anasura ibikorwa bitandukanye - Amafoto

Miss Jolly yakiriwe na Guverineri Bosenibamwe anasura ibikorwa bitandukanye - Amafoto
20-05-2016 saa 07:23' | By Chief Editor | Yasomwe n'abantu 4025 | Ibitekerezo 5

Kuri uyu wa Kane, tariki 19 Gicurasi 2016, Guverineri w’Intara y’Amajyaruguru, Bosenibamwe Aimé yakiriye mu biro bye Miss Rwanda 2016, Mutesi Jolly wari umugendereye ajyanywe no kumushimira uburyo yabashyikiye mu marushanwa barimo we na bagenzi be bahataniraga ikamba.

Miss Rwanda 2016, yaboneyeho kumusaba kuzakomeza kumushyigikira mu mishinga ye yose ijyanye n’ubukerarugendo ndetse n’ibindi bikorwa ateganya muri iyi minsi. Guverineri Bosenibamwe akaba yamwemereye ubwo bufasha, amwizeza ko atajya yanga gushyigikira urubyiruko rufite impano n’ubushake bwo gukora, cyane ko ibikorwa bye nabyo asanga bifitiye igihugu akamaro.

Muri uru ruzinduko, Miss Rwanda 2016 akaba yari aherekejwe na Umuhumuriza Usanane Samantha ukomoka mu Ntara y’Amajyaruguru, akaba nawe yari umwe mu bakobwa bahataniye ikamba rya Miss Rwanda 2016. Aba bakobwa kandi bari kumwe na Kagame Ishimwe Dieudonné ushinzwe gukurikirana ibikorwa bya Nyampinga w’u Rwanda.

Miss Mutesi Jolly n’abamuherekeje, aha bari mu biro bya Guverineri w’Intara y’Amajyaruguru

Nyuma yaho, Miss Mutesi Jolly yasuye abana b’abakobwa bakina umukino wo gusiganwa ku magare, ababwira ko umwana w’umukobwa afite ubushobozi kandi ntacyo atabasha gukora. Aha yafashe igare abereka ko nawe ashobora kugerageza kurinyonga. Yabahamirije ko abashyigikiye, abasaba gukomeza kwigirira icyizere.

Miss Mutesi Jolly yagiranye ibihe byiza n’abakobwa bakina umukino wo gusiganwa ku magare

Mu masaha y’igicamunsi, Miss Jolly yasuye abarwayi bo mu bitaro bya Ruhengeri yibanda cyane ku bitaro by’abana, aho yanabonanye n’abana bafite ikibazo cy’imirire mibi akaganira n’ubuyobozi bw’ibitaro kuri gahunda afite yo gukemura iki kibazo, bakaba batandukanye bemeranyijwe kuzagirana ubufatanye.

Miss Mutesi Jolly yasuye abana barwariye mu bitaro bya Ruhengeri, anasezerana ubufatanye n’ubuyobozi bwabyo

Nyuma kandi uyu mukobwa wambaye ikamba rya Miss Rwanda 2016, aherekejwe n’abakobwa barimo guhatanira ikamba rya miss CAVM 2016 basuye ubuvumo buri mu karere ka Musanze, muri gahunda arimo yo guteza imbere ubukerarugendo bushingiye ku benegihugu nk’uko biri muri gahunda yihaye.

Miss Jolly n’aba bakobwa basuye ubuvumo buba i Musanze, basobanurirwa amateka yabwo


Tanga Igitekerezo
Ibitekerezo 5
jojo Kuya 24-05-2016

Jolly kweli urikugaragaza ko ushoboye pe

Esther Nyiraromba Kuya 20-05-2016

Turagushyigikiye Jolly , haguruka ukore kuko twibazaga imirimo ya ba Miss tugacangwa ariko ubu turabona bigiye gusobanuka. , oye Miss Jolly

Esther Nyiraromba Kuya 20-05-2016

Turagushyigikiye Jolly , haguruka ukore kuko twibazaga imirimo ya ba Miss tugacangwa ariko ubu turabona bigiye gusobanuka. , oye Miss Jolly

Ruganzu Ndoli Kuya 20-05-2016

Courage Jolly have difference from your college, be focused and objective you will achieve alot

Ruganzu Ndoli Kuya 20-05-2016

Courage Jolly have difference from your college, be focused and objective you will achieve alot

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA