Miss Mutesi Aurore yifuza kugira urugo rwiza rumeze nk’urw’ababyeyi be

Chief Editor | 16-08-2016
Miss Mutesi Aurore yifuza kugira urugo rwiza rumeze nk’urw’ababyeyi be

Miss Mutesi Kayibanda Aurore, Nyampinga w’u Rwanda w’umwaka wa 2012, yavuze ibigwi urukundo rw’ababyeyi be ndetse n’uburyo urugo rwabo ari urugero rwiza rw’urwo nawe yifuza kubakana n’uwo bazashyingiranwa.

Kuri uyu wa Mbere tariki 15 Kanama 2016, nibwo Miss Mutesi Aurore yanditse ku mbuga nkoranyambaga ubutumwa burimo amagambo yerekana uburyo aterwa ishema n’urugo rw’ababyeyi be rwubakiye ku rukundo, ashimangira ko we n’abavandimwe be bahiriwe cyane.

Miss Mutesi Aurore n’ababyeyi be ubwo yambikwaga ikamba

Byari mu rwego rwo kwifuriza se Kayibanda Ladislas na nyina Olive Mukazera, isabukuru y’imyaka 35 bamaze babana nk’umugabo n’umugore, bivuga ko bashakanye muri Kanama 1981.

Miss Aurore ati: "Mama na Papa, sinatangira ndondora uburyo njye n’abavandimwe banjye twagize umugisha wo kuba tubafite nk’ababyeyi. Mu mibereho yacu, kubona urukundo nyarwo kuri mwebwe mwembi bitera umutima wanjye ibyishimo, tubabonamo ubudakemwa. Murakoze kuba muri urugero rwiza rw’urushako. Ndabizi nta n’umwe muri mwe w’umuziranenge ariko urugo rwanyu rwabaye urugero rudasanzwe kuko mwabashije kubyitwaramo neza n’aho umwe yaba yaragiye akosa. Isabukuru nziza y’imyaka 35, ndabakunda cyane babyeyi. Nifuza kuzamera nkamwe ninkura."

Miss Aurore akundana ma Mbabazi Egide bashobora kuzarushinga mu minsi iri imbere

Miss Mutesi Aurore, niwe bucura mu muryango wa Kayibanda Ladislas na Mukazera Olive, akaba avuka mu muryango w’abana bane barimo na musaza we Hirwa Henry waririmbaga muri KGB watabarutse aguye mu kiyaga cya Muhazi.

KANDA HANO UREBE VIDEOS UTASANGA AHANDI