Miss Mutesi Jolly abaye umunyarwandakazi wa mbere ugiye guhatana muri Miss World

Chief Editor | 27-06-2016
Miss Mutesi Jolly abaye umunyarwandakazi wa mbere ugiye guhatana muri Miss World

Mutesi Jolly, Miss Rwanda 2016, agiye kuba Nyampinga wa mbere w’umunyarwandakazi ugiye guhagararira igihugu mu marushanwa ya Nyampinga w’isi yose (Miss World 2016).

Hashize imyaka 65 haba amarushanwa ya Miss World ariko u Rwanda ntiruhabwe amahirwe yo kwitabira aya marushanwa, Miss Mutesi Jolly niwe ugiye kuba uwa mbere uzagaragara ahatana n’abakobwa barenga 125 bazaturuka mu bihugu byose byo ku isi, hashakwa umukobwa uhiga abandi akambikwa ikamba rya Miss World 2016.

Nk’uko bigaragara ku rubuga rwa Miss Word, u Rwanda ni kimwe mu bihugu byahawe amahirwe yo kuzitabira aya marushanwa mpuzamahanga y’ubwiza muri uyu mwaka wa 2016, ndetse kuva ubu Miss Mutesi Jolly akaba yamaze guhabwa izina rya Miss World Rwanda 2016.

Miss Mutesi Jolly yavutse tariki 15 Ugushyingo 1996, avukira mu gihugu cya Uganda ari naho yize amashuri ye y’incuke n’abanza. Ni mwene Serwiri Sylver na Ingabire Immaculee, akaba ari umwana w’umuhererezi mu muryango w’abana batandatu, abakobwa batatu ndetse n’abahungu batatu.

KANDA HANO UREBE VIDEOS UTASANGA AHANDI