Miss Uwase Vanessa yabenze Olvis wo muri Active amuziza kwifata nk’umwana bikabije

Chief Editor | 20-06-2016
Miss Uwase Vanessa yabenze Olvis wo muri Active amuziza kwifata nk’umwana bikabije

Guhera mu mwaka ushize wa 2015, Olvis Mugabo wo mu itsinda rya Active na Miss Uwase Raissa Vanessa wabaye igisonga cya mbere cya Miss Rwanda 2015, bagiye baca amarenga y’urukundo ariko bakanga kubyerura, kugeza muri Werurwe uyu mwaka ubwo bavugaga imyato urwo bakundana, none bitamaze kabiri bamaze gutandukana.

Yaba Miss Uwase Raissa Vanessa, yaba na Olvis wo mu itsinda rya Active, bagiye bakunda gushyira hanze amafoto bari kumwe, basohokanye, bishimanye n’ibindi byinshi bigaragaza amarenga y’urukundo rwabo, bijyana n’amagambo asize umunyu buri umwe yaheragaho avuga urukundo rudasanzwe akunda undi, nyamara aka wa mugani akaryoshye ntigahora mu itama ubu bamaze gutandukana.

Baca umugani mu Kinyarwanda ngo "Hazima uwatse"

Nk’uko tubikesha ikiganiro 10 Tonight, Olvis wo muri Active n’uyu mukobwa wambitswe ikamba ry’igisonga cya mbere cya Miss Kundwa Doriane, bamaze gutandukana kubera ikibazo cy’uko uyu mukobwa yasanze Olvis yifata nk’umwana.

Iby’itandukana ryabo, ryahereye ku magambo Miss Vanessa yanditse ku rubuga nkoranyambaga rwa Snapchat mu minsi ishize, aho yagize ati: "Mbega ukuntu nari nkumbuye ubuzima bwo kuba ingaragu... Ndacyari muto sinabasha kurera umwana w’abandi kandi ndakuze sinabasha gukomeza gutegereza. Nakundaga umukunzi wanjye kugeza ubwo mbonye ko agifite imyaka myinshi yo gukura, ariko simfite n’umunota wo kumutegereza."

Batandukanye nyuma y’amezi atageze kuri atatu bashimangira iby’urukundo rwabo haba mu bitangazamakuru no ku mbuga nkoranyambaga, dore ko mbere ya tariki 29 Werurwe 2016, babicaga ku ruhande bakavuga ko ari inshuti zisanzwe.

Nyuma y’ibihe byiza bagiranye, batandukanye batamaranye kabiri.

KANDA HANO UREBE VIDEOS UTASANGA AHANDI